تھانے میں صبح سویرے خوفناک سڑک حادثہ، گائیمکھ ناکہ کے پاس 11 گاڑیاں متاثر، چار زخمیتھانے، 9 جنوری (ہ س) تھانے ضلع کے گھوڑبندر روڈ پر گائیمکھ علاقے میں جمعہ کی صبح ایک کنٹینر کے بے قابو ہونے سے بڑا سڑک حادثہ پیش آیا، جس میں مختلف اقسام کی 11 گاڑیاں آپس میں ٹکرا گئیں اور 4 افراد زخمی ہو گئے۔ حادثے کے بعد علاقے میں کچھ دیر کے لیے ٹریفک متاثر ہوئی۔واقعے کے بعد ریسکیو اور ایمرجنسی ٹیمیں، ریجنل ڈیزاسٹر مینجمنٹ سیل اور فائر بریگیڈ کے اہلکار جائے حادثہ پر پہنچے اور امدادی کارروائیاں شروع کیں۔ زخمیوں کو فوری طور پر اوولا کے ٹائٹن اسپتال منتقل کیا گیا۔ حادثہ زدہ گاڑیوں کو سڑک سے ہٹانے کے بعد ٹریفک معمول پر آ گئی۔میونسپل حکام کے مطابق صبح تقریباً 7 بجے ٹاٹا کمپنی کا کنٹینر گائیمکھ ناکہ کے قریب کنٹرول کھو بیٹھا اور سامنے سے آ رہی گاڑیوں سے جا ٹکرایا۔ اس حادثے کے بعد کنٹینر کا ڈرائیور موقع سے فرار ہو گیا، جس کی تلاش جاری ہے۔پولیس نے بتایا کہ زخمی ہونے والوں میں رکشا ڈرائیور شیوکمار یادو عمر 56 سال شامل ہیں، جن کے سر میں شدید چوٹ آئی ہے۔ رکشا میں سوار تسکین شیخ عمر 45 سال اور انیتا پیروال عمر 45 سال کے چہرے پر ہلکی چوٹیں آئیں، جبکہ کار ڈرائیور رامبلی بابولال عمر 22 سال کو پیٹھ میں شدید چوٹ پہنچی ہے۔ اس حادثے میں ہونڈا سٹی، ویگن آر، ارٹگا، مہندرا، انووا، ڈیزائر، بریزا، فورڈ کار اور آٹو رکشا سمیت مجموعی طور پر 11 گاڑیاں متاثر ہوئیں، جن میں سے بعض بری طرح نقصان زدہ ہوئیں۔ کاسار وڈولی پولیس اسٹیشن کی ٹیم واقعے کی تفتیش کر رہی ہے۔ ہندوستھان سماچار--------------------

ہندوستان سماچار / جاوید این اے