نئی دہلی، 9 جنوری (ہ س)۔ دہلی اسمبلی میں سرمائی اجلاس کے پانچویں اور آخری دن جمعہ کو ایوان میں ہنگامہ آرائی دیکھنے میں آئی۔ اس کی وجہ سے عام آدمی پارٹی (اے اے پی) کے چار ممبران اسمبلی کو سرمائی اجلاس کے بقیہ دنوں کے لیے معطل کر دیا گیا۔ اس سرمائی اجلاس میں یہ دوسرا موقع ہے جب ان چار ارکان کو معطل کیا گیا ہے۔ دہلی اسمبلی کے اسپیکر وجیندر گپتا نے کہا کہ ایوان کی کارروائی میں مسلسل خلل ڈالنے اور ایوان کی روایت کی خلاف ورزی کی وجہ سے قائد حزب اختلاف سوم دت، جرنیل سنگھ، سنجیو جھا اور کلدیپ کمار کو سیشن کے بقیہ وقت کے لیے ایوان سے معطل کر دیا گیا ہے۔ یہ فیصلہ ایوان کے وقار، نظم و ضبط اور حقوق کے تحفظ کے مقصد سے کیا گیا ہے اور اسمبلی کے قواعد و ضوابط اور طرز عمل کی دفعات کے مطابق کیا گیا ہے۔

قابل ذکر ہے کہ دہلی اسمبلی کا سرمائی اجلاس پیر 5 جنوری کو لیفٹیننٹ گورنر وی کے سکسینہ کے خطاب کے ساتھ شروع ہوا تھا۔ اس سیشن کے دوران، آپ کے چار ارکان سنجے جھا، سوم دت، کلدیپ کمار اور جرنیل سنگھ کو ہنگامہ کرنے پر تین دن کے لیے معطل کر دیا گیا۔ یہ ارکان لیفٹیننٹ گورنر کے خطاب کے دوران دہلی میں بڑھتی ہوئی فضائی آلودگی کے خلاف احتجاج کر رہے تھے۔

---------------

ہندوستان سماچار / عبدالسلام صدیقی