ڈھاکہ، 9 جنوری (ہ س)۔ بنگلہ دیش کی ڈھاکہ یونیورسٹی کے پالیسی ساز سنڈیکیٹ نے شیخ مجیب الرحمن ہال اور شیخ فضیلة النساءہال کا نام تبدیل کرکے بالترتیب شہید عثمان ہادی ہال اور کیپٹن ستارہ پروین ہال رکھنے کا فیصلہ کیا ہے، یونیورسٹی کے پراکٹر سیف الدین احمد نے تصدیق کی۔

ڈھاکہ ٹریبیون کی ایک رپورٹ کے مطابق احمد نے کہا کہ سنڈیکیٹ نے نام تبدیل کرنے کی تجویز سینیٹ کو بھجوا دی ہے جو حتمی فیصلہ کرے گی۔ انہوں نے کہا کہ یہ فیصلہ جمعرات کو وائس چانسلر پروفیسر نیاز احمد خان کی زیر صدارت ہونے والے سنڈیکیٹ کے اجلاس میں کیا گیا۔انہوں نے کہا کہ سنڈیکیٹ کے اجلاس میں عوامی لیگ سے وابستہ پروفیسر زینت ہودا، پروفیسر اے کے ایم جمال الدین، پروفیسر صدیقہ حلیم اور پروفیسر مشی الرحمان کو برطرف کرنے کا فیصلہ کیا گیا۔ چاروں کے خلاف فرد جرم عائد کر دی گئی ہے۔ چاروں ٹیچر لیڈروں کو شوکاز نوٹس جاری کر کے ایک ہفتے میں جواب دینے کو کہا گیا ہے۔

ہندوستھان سماچار

ہندوستان سماچار / Mohammad Khan