- پٹنہ سمیت تمام اضلاع میں گھنےدھند، اور کولڈ ڈے کی وارننگپٹنہ، 9 جنوری (ہ س)۔ بہار میں سردی کا قہر جاری ہے۔ برفیلی مغربی ہواؤں نے ریاست بھر میں شدید سردی اور گھنا دھند ہے۔ محکمہ موسمیات کے مطابق سردی سے فوری طور پر کوئی ریلیف نہیں ملا۔پٹنہ موسمیاتی مرکز نے کہا کہ آئندہ پانچ دنوں تک موسم میں کوئی تبدیلی متوقع نہیں ہے۔ جمعہ کے روز محکمہ موسمیات نے پٹنہ سمیت ریاست کے تمام اضلاع میں گھنے دھند اورکولڈ ڈے جیسی صورتحال کا انتباہ جاری کیا۔جمعرات کے روزگیا جی ریاست کا سرد ترین مقام تھا۔ یہاں کم از کم درجہ حرارت 4.1 ڈگری سیلسیس درج کیا گیا، جو گذشتہ دو سالوں میں اس وقت کا سب سے کم درجہ حرارت ہے۔ قابل ذکر بات یہ ہے کہ جمعرات کے روزریاست کے نو اضلاع میں کم سے کم درجہ حرارت جموں شہر سے کم تھا۔جموں میں کم سے کم درجہ حرارت 7.1 ڈگری سیلسیس درج کیا گیا، جب کہ گیاجی، دربھنگہ، چھپرہ، بھاگلپور (سبور)، شیخ پورہ، راجگیر، سیوان (جیراڈیہ)، ارول، اور روہتاس (بکرم گنج) میں اس سے بھی زیادہ سرد درجہ حرارت ریکارڈ کیا گیا۔راجدھانی پٹنہ میں کم سے کم درجہ حرارت 9.1 ڈگری سیلسیس درج کیا گیا۔ دربھنگہ میں 6.6 ڈگری سیلسیس، چھپرہ میں 5.7 ڈگری سیلسیس، بھاگلپورکے سبور میں 4.6 ڈگری سیلسیس، شیخ پورہ میں 6.3 ڈگری سیلسیس، راجگیر میں 5.1 ڈگری سیلسیس، سیوان کے جیراڈی میں 6.0 ڈگری سیلسیس، ارول میں 5.3ڈگری سیلسیس اور روہتاس کے بکرم گنج میں 4.8ڈگری سیلسیس درج کیا گیا ہے۔ محکمہ موسمیات کے مطابق دربھنگہ میں جمعرات کے روز شدید کولڈ ڈے، جب کہ چھپرہ اور والمیکی نگر میں کولڈ ڈے کی صورتحال رہی۔پٹنہ میں زیادہ سے زیادہ درجہ حرارت 14.9 ڈگری سیلسیس اور کم سے کم 9.1 ڈگری سیلسیس ریکارڈ کیا گیا، گیا میں زیادہ سے زیادہ درجہ حرارت 19.8 ڈگری سیلسیس اور کم سے کم 4.1 ڈگری سیلسیس، بھاگلپور میں زیادہ سے زیادہ درجہ حرارت 15.8 ڈگری سیلسیس اور کم سے کم درجہ حرارت 18 ڈگری سیلسیس اور 6 ڈگری سیلسیس ریکارڈ کیا گیا۔ مظفر پور میں زیادہ سے زیادہ درجہ حرارت 17.0 ڈگری سیلسیس اور کم سے کم درجہ حرارت 7.3 ڈگری سیلسیس ریکارڈ کیا گیا۔محکمہ موسمیات نے لوگوں کو سردی سے بچاؤ کے لیے احتیاطی تدابیر اختیار کرنے اور غیر ضروری طور پر صبح وشام باہرنہیں نکلنے کامشورہ دیا ہے۔ ہندوستھان سماچار

ہندوستان سماچار / Mohammad Afzal Hassan