پونے، 8 جنوری (ہ س)۔ نائب وزیر اعلیٰ اجیت پوار نے واضح کیا ہے کہ پونے میٹرو کی منظوری سابق وزیر اعظم منموہن سنگھ کے دور میں دی گئی تھی اور بعد ازاں مرکز اور ریاستی حکومتوں کی جانب سے منصوبے کے لیے تعاون جاری رہا۔ انہوں نے کہا کہ میٹرو کو اپنی کامیابی قرار دینے کے دعوے زمینی حقیقت سے مطابقت نہیں رکھتے اور ایسے بیانات کے ذریعے عوام کو گمراہ کرنے کی کوشش کی جا رہی ہے۔

پوار نے بلدیاتی نظم و نسق پر تنقید کرتے ہوئے کہا کہ کچرے کی نکاسی، پانی کی قلت، خراب سڑکیں، بڑھتا ہوا ٹریفک، فضائی آلودگی اور ماحولیاتی خطرات جیسے مسائل آج بھی جوں کے توں موجود ہیں۔ ان کے مطابق یہ وہ بنیادی امور ہیں جن پر دونوں مہاپالیکاؤں میں حکمرانی کرنے والوں نے سنجیدگی سے کام نہیں کیا، جس کا خمیازہ شہریوں کو بھگتنا پڑ رہا ہے۔

مہاپالیکا انتخابات کے تناظر میں ونچت اور این سی پی کی جانب سے پونے میں پانچ اہم مسائل پر مبنی ’الارم‘ مہم شروع کی گئی ہے۔ اجیت پوار نے ایک پریس کانفرنس میں اس مہم کی تفصیلات بتاتے ہوئے مختلف سوالات کے جواب دیے اور بی جے پی کی پالیسیوں پر تنقیدی نکات پیش کیے۔ انہوں نے یاد دلایا کہ دو دن قبل وزیر اعلیٰ دیویندر فڑنویس نے پونے میں ایک عوامی جلسے کے دوران گزشتہ پانچ برسوں کی کارکردگی پر سوال اٹھائے تھے، جن پر اب سیاسی بحث تیز ہو گئی ہے۔

ہندوستھان سماچار

ہندوستان سماچار / جاوید این اے