واشنگٹن/کراکس، 04 جنوری (ہ س)۔ امریکہ کے فوجی حملے سے وینزویلا دہل گیا۔ وینزویلا کی دارالحکومت کراکس میں امریکی فوج کی ہفتہ کی صبح ہوئی فضائی کارروائی سے زوردار دھماکے ہوئے۔ اس کے بعد امریکی سیکورٹی فورسز وینزویلا کے صدارتی محل میں گھس گئیں۔ اس کے بعد صدر نکولس مادورو اور ان کی اہلیہ کو پکڑ کر امریکہ لے جایا گیا۔ اس وقت دونوں کو نیویارک کے (فوجی اڈے) ملٹری بیس پر رکھا گیا ہے۔
سی این این کی رپورٹ کے مطابق، صدر ڈونالڈ ٹرمپ نے کہا کہ امریکہ کا حملہ کامیاب رہا۔ وینزویلا کے صدر نکولس مادورو اور ان کی اہلیہ کو پکڑ کر ملک سے باہر لے جایا گیا۔ ٹرمپ کا چونکانے والا یہ اعلان وینزویلا کی دارالحکومت کراکس میں دھماکوں کے کچھ گھنٹے بعد ہوا۔ مادورو اور ان کی اہلیہ ابھی بھی نیویارک کے (فوجی اڈے) ملٹری بیس پر ہیں۔ ایک لا انفورسمنٹ افسر کے مطابق، مادورو اور ان کی اہلیہ سیلیا فلورس ابھی بھی نیویارک کے اسٹیورٹ ایئر نیشنل گارڈ بیس پر ہیں۔ وہاں فلورس کا ایک ہینگر میں میڈیکل چیک اپ ہو رہا ہے۔
رپورٹ کے مطابق، کراکس میں امریکی فوج کے بڑے آپریشن کے دوران اس جوڑے کو ان کے بیڈروم سے باہر نکالا گیا۔ امید ہے کہ مادورو کو میٹروپولیٹن ڈیٹینشن سینٹر لے جانے سے پہلے ہیلی کاپٹر سے نیویارک شہر لے جایا جائے گا۔ اگلے ہفتے مین ہیٹن فیڈرل کورٹ میں ان پر ڈرگز اور ہتھیاروں کے الزام لگنے والے ہیں۔ اس درمیان وینزویلا کی اپوزیشن دنیا بھر کی حکومتوں کے رابطے میں ہے۔ ان ممالک میں ارجنٹینا، ایکواڈور، پنامہ اور پیراگوئے جیسے اس خطے کے ممالک اور فرانس بھی شامل ہیں۔ اپوزیشن کا کہنا ہے کہ ان ممالک نے وینزویلا میں لوگوں کی خواہش کو بحال کرنے کے لیے اپنی حمایت ظاہر کی ہے۔
ٹرمپ نے پریس کانفرنس میں کہا کہ انہیں نہیں لگتا کہ اپوزیشن لیڈر ماریا کورینا مچاڈو کے پاس ملک پر حکومت کرنے کے لیے ضروری حمایت ہے۔ قابل ذکر ہے کہ ماریا کورینا کو حال ہی میں نوبل امن انعام ملا ہے۔ اپوزیشن کا کہنا ہے کہ صدارتی امیدوار ایڈمنڈو گونزالیز نے جولائی 2024 کا صدارتی الیکشن 67 فیصد ووٹوں سے جیتا، جبکہ مادورو کو 30 فیصد ووٹ ملے۔ حالانکہ، وینزویلا کی نیشنل الیکٹورل کونسل نے ووٹوں کی گنتی کی تفصیلات جاری کیے بغیر مادورو کو فاتح قرار دے دیا۔ اس فیصلے کو زیادہ تر بین الاقوامی برادری نے مسترد کر دیا۔
سی بی ایس نیوز کی رپورٹ کے مطابق، ٹرمپ نے کہا کہ امریکہ فی الحال وینزویلا کو ”چلائے گا“ اور ”تیل کا بہاو شروع کرے گا“۔ افسران نے بتایا کہ امریکی فوج کی ڈیلٹا فورس کی ایک ایلیٹ اسپیشل فورسز یونٹ نے مادورو کو پکڑنے کا آپریشن کیا۔ مادورو اور ان کی اہلیہ ہفتہ کی دوپہر نیویارک میں اترے۔ اس درمیان اٹارنی جنرل پام بونڈی نے 2020 میں مادورو کے خلاف دائر کیے گئے ایک چارج شیٹ کو شیئر کیا۔
وینزویلا کے صدر کو امریکی فوج کے ذریعے پکڑے جانے کے کچھ گھنٹوں بعد حکومت کے اعلیٰ لوگوں نے فوجی کارروائی کی سخت مذمت کی اور اشارہ دیا کہ وہ ملک میں امریکی مداخلت کی مخالفت کرنے کا منصوبہ بنا رہے ہیں۔ نائب صدر ڈیلسی روڈریگز نے مادورو کی گرفتاری کو وحشیانہ، غیر قانونی اور اغوا بتایا ہے۔ انہوں نے کہا کہ یہ وینزویلا کی خودمختاری پر حملہ ہے۔ انہوں نے مادورو اور ان کی اہلیہ کو فوری چھوڑنے کی مانگ کی ہے۔
ہندوستھان سماچار
---------------
ہندوستان سماچار / انظر حسن
