نئی دہلی، 3 جنوری (ہ س)۔ وزیر اعظم نریندر مودی نے آج سوشل میڈیا پلیٹ فارم ایکس پر دو الگ الگ پوسٹس میں رانی ویلو ناچیار اور ساوتری بائی پھولے کو ان کے یوم پیدائش پر خراج عقیدت پیش کیا۔ انہوں نے بہادری، سماجی اصلاحات اور قومی خدمت میں دونوں عظیم ہستیوں کے تعاون کو یاد کیا۔

وزیر اعظم مودی نے ایکس پر رانی ویلو ناچیار کے یوم پیدائش پر کہاکہ ’’رانی ویلو ناچیار کو ان کے یوم پیدائش پر خراج عقیدت۔ وہ ہمت اور حکمت عملی کی ایک علامت تھیں۔ نوآبادیاتی طاقتوں کے خلاف لڑ کر، انہوں نے ہندوستانیوں کے خود مختاری کے حق کا تحفظ کیا۔ اچھی حکمرانی اور ثقافتی فخر کے تئیں ان کی لگن قابل ستائش ہے۔ ان کی قربانی اور دوراندیش قیادت آنے والی نسلوں کو متاثر کرتی رہے گی۔‘‘

ایک دیگر پوسٹ میں، وزیر اعظم مودی نے کہا، ’’ساوتری بائی پھولے کو ان کے یوم پیدائش پر خراج عقیدت۔ انہوں نے اپنی زندگی تعلیم اور خدمت کے ذریعے سماجی تبدیلی کے لیے وقف کی۔ وہ مساوات، انصاف اور ہمدردی کے اصولوں کی علامت تھیں۔ تعلیم کو سماجی تبدیلی کا سب سے مؤثر ذریعہ مانتے ہوئے، انہوں نے پسماندہ لوگوں کی ترقی کے لیے اہم کردار ادا کیا ہے۔ان کی خدمات آج بھی باعث ترغیب ہے۔

ہندوستھان سماچار

ہندوستان سماچار / محمد شہزاد