ندیہ، 3 جنوری (ہ س)۔ ہفتہ کو ندیہ ضلع کے شانتی پور تھانہ علاقہ پھولیا پرفول نگر میں قومی شاہراہ 12 پر ایک خوفناک سڑک حادثہ میں دو افراد ہلاک اور دو دیگر شدید زخمی ہوگئے۔ واقعہ دو موٹرسائیکلوں میں تصادم کے باعث پیش آیا۔

مرنے والوں میں سے ایک کی شناخت شانتی پور تھانہ علاقہ کے بیلگھریا کے رہنے والے اتم راجونشی (58) کے طور پر کی گئی ہے۔ دوسرے متوفی کی شناخت قائم نہیں ہو سکی ہے۔ دونوں شدید زخمیوں کو شانتی پور اسٹیٹ جنرل اسپتال میں داخل کرایا گیا ہے۔

عینی شاہدین کے مطابق حادثہ سڑک کٹنے کے باعث پیش آیا۔ ایک موٹر سائیکل کٹی ہوئی سڑک سے مین روڈ کراس کر رہا تھا کہ قومی شاہراہ پر تیز رفتاری سے آنے والی دوسری موٹر سائیکل سے ٹکرا گئی۔ تصادم کے بعد دونوں موٹر سائیکلوں پر سوار چاروں افراد سڑک پر گر گئے۔

عینی شاہدین نے بتایا کہ موٹر سائیکلوں کی رفتار اتنی زیادہ تھی کہ سوار تقریباً پانچ فٹ دور پھینکے گئے۔ اطلاع ملتے ہی پولیس جائے وقوعہ پر پہنچی اور زخمیوں کو اسپتال پہنچایا۔ ڈاکٹروں نے ان میں سے دو کو مردہ قرار دے دیا، جب کہ دو کا علاج جاری ہے۔ دونوں کی حالت تشویشناک بتائی جاتی ہے۔

ہندوستھان سماچار

---------------

ہندوستان سماچار / عبدالواحد