کیلاش وجے ورگیہ کے خلاف یوتھ کانگریس کا مظاہرہ، پتلا نذر آتش کیا

انوپ پور، 03 جنوری (ہ س)۔ مدھیہ پردیش کے انوپ پور ضلع میں اندور کے بھاگیرتھ پورا علاقے میں آلودہ پانی کی سپلائی سے ہوئی اموات اور سینکڑوں لوگوں کے بیمار ہونے کے خلاف گزشتہ شام یوتھ کانگریس نے احتجاجی مظاہرہ کیا۔ ضلع کے کوتما کالری کے مزدور چوک پر کارکنان نے کابینہ وزیر کیلاش وجے ورگیہ کا پتلا نذر آتش کیا اور ان سے فوری استعفے کی مانگ کی۔

جمعہ کی شام مظاہرہ کر رہے یوتھ کانگریس لیڈروں کا الزام تھا کہ میونسپل کارپوریشن کی سخت لاپرواہی کے سبب ہی علاقے میں زہریلے پانی کی سپلائی ہوئی۔ اس انتظامی غلطی کی وجہ سے کئی خواتین، مرد اور معصوم بچے سنگین طور پر بیمار ہو کر اسپتال پہنچ گئے۔ مظاہرے کے دوران جانکاری دی گئی کہ اس آلودہ پانی کے استعمال سے اب تک 15 لوگوں کی موت ہو چکی ہے، جبکہ کئی لوگ ابھی بھی مختلف اسپتالوں میں اپنا علاج کرا رہے ہیں۔ مظاہرین نے مانگ کی ہے کہ اس دلخراش واقعے کے لیے میونسپل کارپوریشن، میئر، متعلقہ وارڈ کونسلر اور مقامی حکومت کے وزیر کی جوابدہی طے کی جانی چاہیے۔

ضلع صدر مانویندر مشرا نے واقعے کو انتظامی بے حسی کا عروج بتاتے ہوئے کہا کہ یہ سیدھے طور پر معصوموں کی جان سے کھلواڑ ہے۔ انہوں نے مانگ کی کہ اس معاملے کے سبھی قصورواروں پر قتل کا معاملہ درج کر کے سخت کارروائی کی جائے۔ ساتھ ہی، انہوں نے وزیر کیلاش وجے ورگیہ سے اخلاقی ذمہ داری لیتے ہوئے عہدہ چھوڑنے کو کہا۔

ہندوستھان سماچار

---------------

ہندوستان سماچار / انظر حسن