ویلور، 3 جنوری (ہ س)۔

تمل ناڈو کے ویلور ضلع کے سری پورم، انی کٹ تعلقہ میں واقع آریور سورن مندر میں شکتی اماں کی 50 ویں یوم پیدائش کی تقریبات ہفتہ کے روز بڑی دھوم دھام سے منعقد کی گئیں۔ نائب صدر رادھا کرشنن نے بطور مہمان خصوصی شرکت کی۔

نائب صدر سی پی رادھا کرشنن اس تقریب میں شرکت کے لیے ہیلی کاپٹر کے ذریعے پہنچے۔ اس کے بعد انہوں نے 50 ویں یوم پیدائش کی تقریبات میں حصہ لیا اور خصوصی پوجا کرکی ۔ رادھا کرشنن نے کہا، یہ میرا یہاں پہلا موقع نہیں ہے، میں کئی سالوں سے یہاں آ رہا ہوں۔ اس دنیا میں خدا کی طاقت سے بڑی کوئی طاقت نہیں ہے اور ملک کے وزیر اعظم نریندر مودی بھی وزیر اعلیٰ کے طور پر یہاں پہنچے اور خصوصی پوجا کی۔ کورونا کے دور میں شکتی اماں نے کئی خاندانوں کو کھانا فراہم کیا اور نہ صرف یہاں بلکہ خود سری لنکا بھی گئے تاکہ وہاں کے لوگوں کی مدد کی جا سکے۔ مرکزی اطلاعات و نشریات کے وزیر ایل مروگن، صنعتکار راماسامی اور پوتھیا نیتی پارٹی کے لیڈر اے سی شانموگم نے بھی اس پروگرام میں شرکت کی۔ نائب صدر جمہوریہ کے دورے کے دوران ویلور ہوائی اڈے، گولڈن ٹیمپل اور پورے ویلور شہر میں 1100 سے زیادہ پولیس اہلکار تعینات تھے۔ 300 سے زیادہ پولیس اہلکار تعینات کیے گئے ہیں، بنیادی طور پر مندر کے ارد گرد ڈرون اڑانے پر بھی پابندی لگا دی گئی ہے۔

ہندوستھان سماچار

ہندوستان سماچار / عطاءاللہ