نئی دہلی، 3 جنوری (ہ س)۔ مغربی بنگال کے گورنر ڈاکٹر سی وی۔ آنند بوس اور چھتیس گڑھ کے وزیر اعلی وشنو دیو سائی نے ہفتہ کو راشٹرپتی بھون میں صدر جمہوریہ ہنددروپدی مرمو سے ملاقات کی۔ ان ملاقاتوں کی تصاویر راشٹرپتی بھون کے آفیشل سوشل میڈیا پلیٹ فارم ایکس پر شیئر کی گئیں۔ دونوں نے الگ الگ صدر سے ملاقات کی۔ان دونوں سے ملاقات کے دوران صدر نے ان کے خیالات سنے اور متعلقہ امور پر تبادلہ خیال کیا۔وزیر اعلیٰ وشنو دیو سائی نے ملاقات کے بعد انسٹاگرام پر پوسٹ کیا کہ نئی دہلی میں اپنے قیام کے دوران انہوں نے صدر دروپدی مرمو سے ملاقات کی اور ان سے چھتیس گڑھ میں منعقد ہونے والے ریاستی سطح کے قبائلی ثقافتی میلے ’بستر پنڈم 2026‘ میں بطور مہمان خصوصی شرکت کرنے کی درخواست کی۔اس موقع پر وزیر اعلیٰ نے صدر کو قبائلی علاقوں کی مجموعی ترقی کے لیے ریاست کی کوششوں سے آگاہ کیا۔ انہوں نے انہیں تعلیم، صحت، روزی روٹی، انفراسٹرکچر کی توسیع اور ریاستی حکومت کی بڑی عوامی فلاحی اسکیموں میں ہونے والی پیش رفت سے بھی آگاہ کیا۔

ہندوستھان سماچار

ہندوستان سماچار / Mohammad Khan