بیڑ

، 3 جنوری(ہ س)۔ بیڑ بلدیہ کی نومنتخب صدرِ بلدیہ پریم لتاتائی

پاروے نے شیوسینا، نیشنلسٹ کانگریس پارٹی اور شیو سنگرام اتحاد کی نمائندگی کرتے

ہوئے ایک سادہ مگر باوقار تقریب میں اپنے منصب کی ذمہ داریاں سنبھال لیں۔

اس موقع

پر خطاب کرتے ہوئے شیوسینا کے سینئر رہنما انل جگتاپ نے کہا کہ بلدیاتی انتخابات میں

شہر کے عوام نے نائب وزیر اعلیٰ ایکناتھ شندے اور نائب وزیر اعلیٰ و بیڑ ضلع کے

سرپرست وزیر اجیت دادا پوار کی ترقیاتی قیادت پر بھروسہ ظاہر کیا ہے، جس کے نتیجے

میں اتحاد کو شہر کی خدمت کا موقع ملا ہے۔

انہوں

نے زور دے کر کہا کہ اب سیاسی بیان بازی اور ماضی کی تلخیوں کو پسِ پشت ڈال کر شہریوں

کو پائیدار ترقی فراہم کرنا اولین ذمہ داری ہے۔ شہر کے عوام کو درپیش مسائل کے حل

کیلئے تمام منتخب نمائندوں کو متحد ہو کر کام کرنا ہوگا۔

تقریب

کے دوران اس بات پر بھی اتفاق کیا گیا کہ سڑکوں کی تعمیر و مرمت، صفائی ستھرائی،

پانی کی مستقل فراہمی اور بجلی جیسی بنیادی سہولتوں کو مضبوط بنانے کیلئے مشترکہ

حکمتِ عملی اختیار کی جائے گی۔

اس تقریب

میں مہایوتی کے شہر سطح کے تمام عہدیداران، نومنتخب بلدیہ اراکین، چیف آفیسر، بلدیہ

کے افسران و ملازمین، نیشنلسٹ کانگریس پارٹی اور اتحاد کے کارکنان کے علاوہ شہر کے

شہریوں کی بڑی تعداد موجود تھی۔

ہندوستھان

سماچار

--------------------

ہندوستان سماچار / جاوید این اے