دھار، 03 جنوری (ہ س)۔

مدھیہ پردیش کے دھار ضلع کے دھامنود تھانہ کے تحت راو-کھل گھاٹ فورلین کے گنپتی گھاٹ پر ہفتہ کی دوپہر ایک ٹرالے نے بے قابو ہو کر کار میں ٹکر مار دی۔ اس کے بعد گاڑی پلٹ کر پلیا کے نیچے گہری کھائی میں جا گری۔ حادثے میں دو لوگوں کی موت ہو گئی ہے، وہیں ایک شخص زخمی ہوگیا ہے۔

موصولہ جانکاری کے مطابق، اندور کی طرف سے آ رہا تیز رفتار ٹرک ٹرالا برج پر بے قابو ہو گیا۔ اس نے آگے چل رہی کار کو ٹکر ماردی اور ریلنگ توڑتے ہوئے پلیا کے نیچے کھائی میں جا گرا۔ اس حادثے میں ٹرک ٹرالے میں سوار ایک نوجوان کی ٹائر کے نیچے دبنے سے موقع پر ہی موت ہو گئی۔ ٹرالے میں سوار دو دیگر افراد سنگین طور پر زخمی ہو گئے، جنہیں ڈائل 112 کی مدد سے دھامنود کے کمیونٹی ہیلتھ سینٹر پہنچایا گیا۔ وہاں علاج کے دوران ایک اور شخص نے دم توڑ دیا، جبکہ تیسرے زخمی کو ابتدائی علاج کے بعد ریفر کر دیا گیا۔

بتایا گیا کہ ٹرالے کی ٹکر کے بعد کار ریلنگ سے ٹکرا کر موڑ پر گھومتی ہوئی بجلی کے کھمبے سے جا ٹکرائی۔ غنیمت رہی کہ کار سوار کھائی میں گرنے سے بچ گئے۔ مہلوکین کے نام پون پٹیل، فرید شاہ بتائے گئے ہیں۔ واقعے کے بعد کاکڑدا اور دھامنود پولیس نے موقع پر پہنچ کر جانچ شروع کی۔

ہندوستھان سماچار

ہندوستان سماچار / انظر حسن