نئی دہلی، 3 جنوری (ہ س)۔ کانگریس پارٹی نے ہفتہ کو اعلان کیا کہ وہ 8 جنوری سے 25 فروری تک ملک گیر ’’منریگا بچاؤ سنگرام‘‘ مہم شروع کرے گی۔ اسکے تحت گاؤں کی سطح سے لے کر ریاستی سطح تک کئی پروگراموں کا انعقاد کرنے کے ساتھ ہی ملک کے مختلف حصوں میں چار بڑے عوامی جلسے بھی منعقد ہوں گے ۔

اس مہم کا اعلان پارٹی کی قومی تنظیم کے جنرل سکریٹری کے سی وینوگوپال اور جنرل سکریٹری جے رام رمیش نے مشترکہ طور پر یہاں ایک پریس کانفرنس میں کیا۔ انہوں نے کہا کہ مرکزی حکومت کی طرف سے متعارف کرایا گیا نیا قانون آئین کے آرٹیکل 258 کی خلاف ورزی کرتا ہے اور اسے سپریم کورٹ میں چیلنج کیا جائے گا۔

جے رام رمیش نے کہا کہ یہ قانون ریاستوں کی خودمختاری کو کمزور کرتا ہے اور انہیں اسکیم میں 40 فیصد حصہ داری کے لئے مجبور کرتا ہے۔

وینوگوپال نے کہا کہ پارٹی کے ’سنگرام‘ کا مقصد مہاتما گاندھی قومی دیہی روزگار گارنٹی ایکٹ (ایم جی نریگا) کو بحال کرنا اور نئے قانون کو واپس لینا ہے۔

انہوں نے کہا کہ منریگا ملک کی سب سے کامیاب اور بین الاقوامی سطح پر پائی جانے والی غربت کے خاتمے کی اسکیم ہے، جس سے ہر سال6-5 دیہی خاندانوں کو روزگارحاصل ہوتا ہے۔ یہ بحران کے وقت غریبوں کے لیے سب سے مضبوط حفاظتی ڈھال ثابت ہوتی ہے، لیکن وی بی -جی رام جی ایکٹ کے تحت، روزگار اب کوئی حق نہیں رہا، بلکہ مرکزی حکومت کی طرف سے منتخب کردہ پنچایتوں تک محدود ہے۔

'منریگا بچاؤ جدوجہد کا 45 روزہ پروگرام-

۔8جنوری سے • ریاستی کانگریس کمیٹیوں کی تیاری کے اجلاس منعقد ہوں گے۔

• ۔10 جنوری کو ضلع سطح پر پریس کانفرنس منعقد کی جائے گی۔

۔ 11 جنوری کو ضلع ہیڈ کوارٹر میں ایک روزہ اپواس رکھا جائے گا۔

۔ 12 سے 29 جنوری تک پنچایت سطح پر عوامی رابطہ مہم چلائی جائے گی۔

۔ 30 جنوری کو شہیدی دیوس کے موقع پر بلاک کی سطح پر زمینی سطح پر پرامن پروگرام ہوں گے۔

۔ 31 جنوری سے 6 فروری تک ضلع مجسٹریٹ کے دفاتر پر دھرنادیا جائے گا۔

۔ یکم فروری کو ملک گیر احتجاج کیا جائے گا۔

۔7 سے 15 فروری تک ریاستی اسمبلیوں، راج بھونوں یا سکریٹریٹس کا گھیراؤ کیا جائے گا۔

۔ 16-25 فروری کومہم کا اختتام اے آئی سی سی کے احتجاج اور ریلیوں کے ساتھ ہوگا۔

ہندوستھان سماچار

ہندوستان سماچار / محمد شہزاد