روسی حملے کے بعد یوکرین کی پارلیمنٹ اندھیرے میں، بجلی-پانی اور ہیٹنگ مسدود

کیف، 21 جنوری (ہ س)۔ روس کی جانب سے پوری رات کیے گئے میزائل اور ڈرون حملوں کے بعد یوکرین کا توانائی نظام بری طرح متاثر ہوا ہے۔ ان حملوں کے سبب دارالحکومت کیف میں واقع یوکرینی پارلیمنٹ ہاوس (ورخوونا راڈا) میں بجلی، پانی اور ہیٹنگ کی سپلائی پوری طرح ٹھپ ہو گئی ہے۔

یوکرین کی پارلیمنٹ کے اسپیکر روسلان اسٹیفانچک نے سوشل میڈیا پر جانکاری دیتے ہوئے کہا کہ تازہ روسی حملوں کے بعد کئی یوکرینی شہروں میں بنیادی خدمات متاثر ہو گئی ہیں۔ انہوں نے بتایا کہ پارلیمنٹ ہاوس بھی فی الحال بجلی، پانی اور ہیٹنگ جیسی ضروری سہولیات سے محروم ہے۔

اسٹیفانچک نے کہا کہ روس کے مسلسل حملوں سے عام شہریوں کی زندگی پر گہرا اثر پڑ رہا ہے اور توانائی کے ڈھانچے کو جان بوجھ کر نشانہ بنایا جا رہا ہے۔ یوکرینی انتظامیہ حالات معمول پر لانے کی کوششوں میں مصروف ہے۔

ہندوستھان سماچار

---------------

ہندوستان سماچار / انظر حسن