کاٹھمنڈو، 20 جنوری (ہ س)۔نیپال کی پارلیمنٹ کے ایوان زیریں کی ایوان نمائندگان کے الیکشن کے لئے کاٹھمنڈو کے سابق میئر بالیندر شاہ (بالین) نے راشٹریہ سوتنتر پارٹی (آر ایس پی) کے امیدوار کے طور پر جھپا-5 حلقے سے انتخاب کے لیے اپنا کاغذات نامزدگی داخل کیا۔

آر ایس پی کے وزارت عظمیٰ کے امیدوار کی نامزدگی کے دوران شاہ، ان کے حامی اور پارٹی کارکنان بھی جھپا میں انتخابی دفتر پہنچ گئے۔ پارٹی کے رہنما بھیشراج بھٹارائی نے شاہ کے تجویز کنندہ اور بھومینند برال نے ان کے حمایتی کے طور پر کاغذات نامزدگی پر دستخط کیے۔سابق وزیر اعظم اور نیپالی کمیونسٹ پارٹی (یونیفائیڈ مارکسسٹ-لیننسٹ) کے صدر کے پی شرما اولی بھی جھپا-5 حلقے سے الیکشن لڑ رہے ہیں۔ نیپالی کمیونسٹ پارٹی نے رنجیت تمانگ کو اپنا امیدوار نامزد کیا ہے۔ایوان نمائندگان کے انتخابات 5 مارچ کو ہونے والے ہیں۔ ایوان نمائندگان کے 275 ارکان میں سے 110 کا انتخاب متناسب نمائندگی کے نظام کے تحت اور 165 کا انتخاب براہ راست انتخابات کے ذریعے ہوتا ہے۔ کمیشن نے اس سے قبل متناسب نمائندگی کے نظام کے تحت امیدواروں کی حتمی فہرست شائع کی تھی۔

ہندوستھان سماچار

ہندوستان سماچار / Mohammad Khan