گیا،19جنوری(ہ س)۔ بہار کے گیاجی میں ایک جوڑے اور ان کے ڈھائی سالہ بچے کو زندہ جلانے کی کوشش کی گئی۔ باپ بیٹے کی حالت تشویشناک ہے۔ تینوں زخمیوں کو گیاجی کے انوگرہ نارائن مگدھ میڈیکل کالج اسپتال کے برن وارڈ میں داخل کرایا گیا ہے۔ زخمیوں نے اہل خانہ پر الزام عائد کیا ہے۔ یہ واقعہ گیاجی کے بودھ گیا تھانہ علاقے کے تحت اموا گاؤں میں پیش آیا۔ کل رات تقریباً 2:30 بجے جھگڑا بڑھ گیا۔

بتایا جاتا ہے کہ زمین کے تنازع پر ایک ہی خاندان کے تین افراد کو جلا نے کی کوشش کی گئی۔ زخمی نیلو کماری نے بتایا کہ تقسیم میں صرف ایک انچ زمین کو لیکر بھیسور اور جیٹھانی سے کافی دنوں سے تنازعہ چل رہا ہے۔ اسے روزانہ جان سے مارنے کی دھمکیاں مل رہی ہیں۔ اس نے اہل خانہ پر الزام لگاتے ہوئے کہا کہ کل دیر رات انہوں نے دروازے کے نیچے پٹرول ڈال کر اسے آگ لگا دی جس سے اس کا ڈھائی سالہ بچہ بری طرح جھلس گیا۔

زخمی خاتون نے بتایا کہ اس کی شادی 2023 میں رانا کولیشور سے ہوئی تھی۔ رانا کولیشور ایک سرکاری ٹیچر ہیں اور جان سے مارنے کی کوشش کرنے والابڑا بھائی مکیش بھی سرکاری ٹیچر ہے۔ شادی کے چند ماہ بعد ہی خاندان میں زمین کی تقسیم پر جھگڑا شروع ہوگیا۔ تقسیم پہلے ہی ہو چکی تھی۔لیکن اس دوران رات 2.30بجے جان لیوا حملہ کیا گیا ۔ انہوں نے کہا کہ ان کے سسررام سیوک پانچ بھائی ہیں۔ سسر کے بھائی لوگ جانتے ہیں کہ کون ظلم کر رہا ہے۔ والد بھی ہمارے حق میں ہیں۔ انہوں نے الزام لگایا کہ یہ سارا واقعہ منصوبہ بند تھا۔

ہندوستھان سماچار

ہندوستان سماچار / Mohammad Afzal Hassan