ہریدوار، 18 جنوری (ہ س)۔

ضلع کے لکسر روڈ کے فیروپور علاقے میں اتوار کو ایک بے قابو کار ایک ای رکشہ سے ٹکرا گئی۔ حادثے میں تین افراد ہلاک اور چار شدید زخمی ہوگئے۔ زخمیوں کو قریبی اسپتال میں داخل کرایا گیا ہے۔

اطلاعات کے مطابق ہریدوار روڈ پر فیروپور کے قریب ایک بے قابو کار ایک ای رکشہ سے ٹکرا گئی۔ ٹکر اتنی شدید تھی کہ ای رکشہ بکھر گیا۔ چیخ و پکار سن کر مقامی لوگ جائے وقوعہ پر پہنچ گئے اور پولیس کو اطلاع دی۔ گاوں والوں کی مدد سے پولیس نے زخمیوں کو گاڑی سے نکال کر اسپتال پہنچایا۔

پولیس کے مطابق حادثے میں کار ڈرائیور فیرو پور کے رہنے والے وکاس کمار، روڑکی کے کلیار کے رہنے والے چرن سنگھ اور رکشہ ڈرائیور ناصر پور خورد کے رہنے والے آس محمد کی موت ہوگئی۔ چار دیگر افراد کے شدید زخمی ہونے کی اطلاع ہے۔ پولیس نے لاشوں کو تحویل میں لے کر پوسٹ مارٹم کے لیے بھیج دیا ہے اور تفتیش شروع کردی ہے۔

پولیس کا کہنا ہے کہ حادثے کی وجوہات کی تحقیقات کی جا رہی ہیں۔ ابتدائی تحقیقات کے مطابق حادثہ تیز رفتاری کے باعث پیش آیا۔ مرنے والوں کے اہل خانہ کو اطلاع دے دی گئی ہے۔

ہندوستھان سماچار

ہندوستان سماچار / عطاءاللہ