اندور، 18 جنوری (ہ س)۔

ہندوستانی ٹیم کے کپتان شبھمن گل نے اتوار کو نیوزی لینڈ کے خلاف تیسرے ون ڈے میں ٹاس جیت کر پہلے فیلڈنگ کا فیصلہ کیا۔ نیوزی لینڈ پہلے بیٹنگ کرے گا۔

یہ میچ مدھیہ پردیش کے اندور کے ہولکر اسٹیڈیم میں کھیلا جا رہا ہے۔ دونوں ٹیموں کے درمیان تین ایک روزہ میچوں کی سیریز فی الحال 1-1 سے برابر ہے۔ آج کا تیسرا میچ جو بھی ٹیم جیتے گی وہ سیریز جیت جائے گی۔

اس اہم میچ کے لیے ہندوستانی ٹیم کی پلیئنگ الیون میں ایک تبدیلی کی گئی ہے۔ ارشدیپ سنگھ نے پرسدھ کرشنا کی جگہ لی ہے۔ اس دوران نیوزی لینڈ نے اپنی پلیئنگ الیون میں کوئی تبدیلی نہیں کی ہے۔

ہندوستانی ٹیم الیون: روہت شرما، شبھمن گل (کپتان)، وراٹ کوہلی، شریس ایر، کے ایل راہل (وکٹ کیپر)، رویندر جڈیجہ، نتیش کمار ریڈی، ہرشیت رانا، کلدیپ یادو، محمد سراج، ارشدیپ سنگھ۔

نیوزی لینڈ ٹیم الیون: ڈیون کونوے، ہنری نکولس، ول ینگ، ڈیرل مچل، گلین فلپس، مچل ہی (وکٹ کیپر)، مائیکل بریسویل (کپتان)، زچری فولکس، کائل جیمیسن، کرسچن کلارک، جیڈن لینکس۔

ہندوستھان سماچار

ہندوستان سماچار / عطاءاللہ