بڈگام میں تین گرفتار، مشترکہ آپریشن میں گولہ بارود برآمد

سرینگر 18 جنوری(ہ س)۔سیکورٹی فورسز نے بڈگام ضلع کے موچھوا علاقے میں بڈگام پولیس اور 53 راشٹریہ رائفلز کی طرف سے مشترکہ آپریشن کے دوران تین افراد کو گرفتار کیا اور گولہ بارود برآمد کیا۔حکام نے بتایا کہ آپریشن کے دوران سیکیورٹی فورسز نے ملزمان کے قبضے سے 45 راؤنڈ گولہ بارود برآمد کیا۔ گرفتار افراد سے مجموعی طور پر 45 راؤنڈ برآمد ہوئے ہیں۔ پولیس نے بتایا کہ یہ بازیابیاں پولیس اسٹیشن بڈگام اور 53 راشٹریہ رائفلز کی طرف سے مشترکہ طور پر کئے گئے ایک مربوط دیر رات آپریشن کے دوران عمل میں لائی گئیں۔ بازیابی کے سلسلے میں، غیر قانونی سرگرمیوں کی روک تھام ایکٹ کی دفعہ 18 اور 23 اور اسلحہ ایکٹ کی دفعہ 7 اور 25 کے تحت 2026 کی ایف آئی آر نمبر 08 پولیس اسٹیشن چاڈورہ میں درج کی گئی ہے۔ گولہ بارود کے منبع اور کسی ممکنہ تعلق کا پتہ لگانے کے لیے معاملے کی مزید تفتیش جاری ہے۔ حکام نے کہا کہ یہ آپریشن علاقے میں امن و سلامتی کو برقرار رکھنے کے لیے جاری کوششوں کا حصہ ہے اور غیر قانونی سرگرمیوں میں ملوث عناصر کے خلاف سخت کارروائی جاری رہے گی۔ہندوستھان سماچار

ہندوستان سماچار / Aftab Ahmad Mir