نئی دہلی، 16 جنوری (ہ س)۔ گھریلو شیئر مارکیٹ میں آج ابتدائی کاروبار کے دوران مضبوطی کا رجحان نظر آ رہا ہے۔ آج کے کاروبار کی شروعات بھی سبقت کے ساتھ ہوئی تھی۔ حالانکہ پہلے آدھے گھنٹے کے کاروبار میں مارکیٹ میں مسلسل اتار چڑھاو ہوتا رہا، لیکن اس کے بعد خریداروں نے خریداری کا زور بنا دیا۔ خریداری کی حمایت سے سینسیکس اور نفٹی دونوں انڈیکس کی چال میں تیزی آ گئی۔ پہلے 1 گھنٹے کا کاروبار ہونے کے بعد سینسیکس 0.59 فیصد اور نفٹی 0.54 فیصد کی مضبوطی کے ساتھ کاروبار کر رہے تھے۔

ابتدائی پہلے گھنٹے کا کاروبار ہونے کے بعد شیئر مارکیٹ کے سرکردہ شیئروں میں سے انفوسس، وپرو، شری رام فائنانس، ٹیک مہندرا اور مہندرا اینڈ مہندرا کے شیئر 4.77 فیصد سے لے کر 1.21 فیصد کی مضبوطی کے ساتھ کاروبار کر رہے تھے۔ دوسری جانب، سپلا، ایٹرنل، ایچ ڈی ایف سی لائف، سن فارماسیوٹیکلس اور او این جی سی کے شیئر 3.23 فیصد سے لے کر 1.43 فیصد کی کمزوری کے ساتھ کاروبار کرتے ہوئے نظر آ رہے تھے۔

ابھی تک کے کاروبار میں شیئر مارکیٹ میں 2,654 شیئروں میں ایکٹیو ٹریڈنگ ہو رہی تھی۔ ان میں سے 1,582 شیئر منافع کما کر سبز نشان میں کاروبار کر رہے تھے، جبکہ 1,072 شیئر نقصان اٹھا کر سرخ نشان میں کاروبار کر رہے تھے۔ اسی طرح سینسیکس میں شامل 30 شیئروں میں سے 20 شیئر خریداری کی حمایت سے سبز نشان میں برقرار تھے۔ دوسری جانب 10 شیئر فروخت کے دباو میں سرخ نشان میں کاروبار کر رہے تھے۔ جبکہ نفٹی میں شامل 50 شیئروں میں سے 28 شیئر سبز نشان میں اور 22 شیئر سرخ نشان میں کاروبار کرتے نظر آ رہے تھے۔

بی ایس ای کا سینسیکس آج 288.08 پوائنٹس کی مضبوطی کے ساتھ 83,670.79 پوائنٹس کی سطح پر کھلا۔ کاروبار کی شروعات ہونے کے بعد کچھ دیر تک مارکیٹ میں خریداروں اور فروخت کرنے والوں کے درمیان رسہ کشی چلتی رہی، جس کی وجہ سے اس انڈیکس کی چال میں بھی اتار چڑھاو ہوتا رہا۔ پہلے آدھے گھنٹے کے کاروبار کے بعد خریداروں نے خریداری کا زور بنا دیا، جس سے اس انڈیکس کی چال میں تیزی آ گئی۔ مارکیٹ میں مسلسل جاری خرید و فروخت کے درمیان پہلے 1 گھنٹے کا کاروبار ہونے کے بعد صبح 10.15 بجے سینسیکس 491.59 پوائنٹس کی سبقت کے ساتھ 83,874.30 پوائنٹس کی سطح پر کاروبار کر رہا تھا۔

سینسیکس کی طرح ہی این ایس ای کے نفٹی نے آج 30.45 پوائنٹس اچھل کر 25,696.05 پوائنٹس کی سطح سے کاروبار کی شروعات کی۔ ابتدائی آدھے گھنٹے کے کاروبار میں اس انڈیکس کی چال بھی اوپر نیچے ہوتی رہی، لیکن اس کے بعد خریداروں نے خریداری کا زور بنا دیا۔ مسلسل ہو رہی خریداری کی حمایت سے اس انڈیکس نے بھی رفتار پکڑ لی۔ مارکیٹ میں مسلسل جاری خرید و فروخت کے درمیان ابتدائی 1 گھنٹے کا کاروبار ہونے کے بعد صبح 10.15 بجے نفٹی 138.30 پوائنٹس کی مضبوطی کے ساتھ 25,803.90 پوائنٹس کی سطح پر کاروبار کر رہا تھا۔

ہندوستھان سماچار

ہندوستان سماچار / انظر حسن