نئی دہلی، 16 جنوری (ہ س)۔

دہلی ہائی کورٹ نے ریلوے ٹینڈر گھوٹالہ معاملے میں مرکزی تفتیشی بیورو (سی بی آئی) کو نوٹس جاری کیا ہے۔ جسٹس سو رن کانتا شرما کی بنچ نے یہ نوٹس بہار کی سابق وزیر اعلیٰ رابڑی دیوی کی طرف سے دائر درخواست پر سماعت کرتے ہوئے جاری کیا جس میں ٹرائل کورٹ کے الزامات طے کرنے کے حکم کو چیلنج کیا گیا تھا۔

ہائی کورٹ نے پہلے لالو یادو اور تیجسوی یادو کی طرف سے دائر الگ الگ درخواستوں پر سماعت کرتے ہوئے سی بی آئی کو نوٹس جاری کیا تھا۔ 13 اکتوبر کو، راو¿ز ایونیو کورٹ نے اس معاملے میں لالو یادو، رابڑی دیوی اور تیجسوی یادو کے خلاف تعزیرات ہند کی دفعہ 428، 120بی، اور بدعنوانی کی روک تھام ایکٹ کی دفعہ 13(2) کے تحت الزامات عائد کرنے کا حکم دیا۔ تینوں نے راو¿ز ایونیو کورٹ کے اس حکم کو ہائی کورٹ میں چیلنج کیا ہے۔

ٹرائل کورٹ کی سماعت کے دوران، لالو یادو کے وکیل، منیندر سنگھ نے دلیل دی کہ استغاثہ کی حمایت کرنے کے لیے کوئی ثبوت نہیں ہے، ایسے میں اجازت کی ویلڈٹی سوالوں کے گھیرے میں ہے۔ انہوں نے کہاتھا کہ سی بی آئی نے شروع میں کہا تھا کہ لالو یادو کے خلاف مقدمہ چلانے کے لیے اجازت کی ضرورت نہیں ہے۔ بعد میں سی بی آئی نے کہا کہ اسے مقدمہ چلانے کی اجازت مل گئی ہے۔ یہ قانونی نہیں ہے۔ لالو یادو کے دلائل کا مقابلہ کرتے ہوئے، سی بی آئی نے کہا کہ ملزم کے خلاف مقدمہ چلانے کے لیے مضبوط ثبوت موجود ہیں۔ 28 جنوری، 2019 کو، ٹرائل کورٹ نے لالو یادو، رابڑی دیوی، اور تیجسوی یادو کو ای ڈی کے ذریعے دائر کیس میں ایک ایک لاکھ روپے کے ذاتی مچلکے پر باقاعدہ ضمانت دی تھی۔ عدالت نے 19 جنوری 2019 کو لالو یادو کو سی بی آئی کی طرف سے دائر کیس میں باقاعدہ ضمانت دی تھی۔

عدالت نے 17 ستمبر 2018 کو ای ڈی کی طرف سے داخل کی گئی چارج شیٹ کا نوٹس لیاتھا۔ اس معاملے میں، ای ڈی نے لالو پرساد یادو، رابڑی دیوی، تیجسوی یادو، میسرز لارا پروجیکٹ ایل ایل پی، سرلا گپتا، پریم چند گپتا، گورو گپتا، ناتھ مل ککرانیا، راہل یادو، وجے ترپاٹھی ، دیوکی نندن تلسیان ،میسرز سجاتا ہوٹل، ونے کوچر،وجے کوچر، راجیو کمار ریلان اور میسرز ابھیشک فائنانس پرائیویٹ لمیٹیڈ کو ملزم بنایا ہے۔ سابق وزیر اعلیٰ لالو یادو پر ریلوے کے وزیر رہتے ہوئے ریلوے کے دو ہوٹلوں کو آئی آر سی ٹی سی کو منتقل کرنے اور ان کی دیکھ بھال کے لیے ٹینڈر جاری کرنے کا الزام ہے۔ رانچی اور پوری میں دو ہوٹلوں کی الاٹمنٹ کوچر برادران کی ملکیت والی کمپنی سجاتا ہوٹلس کو منتقل کر دی گئی۔

ہندوستھان سماچار

ہندوستان سماچار / عطاءاللہ