نئی دہلی، 14 جنوری (ہ س)۔ گھریلو شیئر بازار میں آج ابتدائی کاروبار کے دوران اتار چڑھاو کے درمیان کمزوری کا رجحان برقرار ہے۔ آج کے کاروبار کی شروعات گراوٹ کے ساتھ ہوئی تھی۔ مارکیٹ کھلتے ہی خریداروں اور فروخت کنندگان کے درمیان رسہ کشی شروع ہو گئی، جس کی وجہ سے بینچ مارک انڈیکس سینسیکس اور نفٹی کی چال مسلسل اوپر نیچے ہونے لگی۔ پہلے 1 گھنٹے کا کاروبار ہونے کے بعد سینسیکس 0.17 فیصد اور نفٹی 0.13 فیصد کی کمزوری کے ساتھ کاروبار کر رہے تھے۔
ابتدائی ایک گھنٹے کا کاروبار ہونے کے بعد شیئر مارکیٹ کے سرکردہ شیئروں میں سے کول انڈیا، او این جی سی، ٹاٹا اسٹیل، ایکسس بینک اور این ٹی پی سی کے شیئر 2.69 فیصد سے لے کر 0.82 فیصد کی مضبوطی کے ساتھ کاروبار کر رہے تھے۔ دوسری جانب، کوٹک مہندرا، آئشر موٹرز، ٹی سی ایس، سپلا اور ایشین پینٹس کے شیئر 1.39 فیصد سے لے کر 0.54 فیصد کی کمزوری کے ساتھ کاروبار کرتے ہوئے نظر آ رہے تھے۔
ابھی تک کے کاروبار میں شیئر مارکیٹ میں 2,584 شیئروں میں ایکٹیو ٹریڈنگ ہو رہی تھی۔ ان میں سے 1,374 شیئر منافع کما کر سبز نشان میں کاروبار کر رہے تھے، جبکہ 1,210 شیئر نقصان اٹھا کر سرخ نشان میں کاروبار کر رہے تھے۔ اسی طرح سینسیکس میں شامل 30 شیئروں میں سے 15 شیئر خریداری کی حمایت سے سبز نشان میں برقرار تھے۔ دوسری جانب 15 شیئر فروخت کے دباو میں سرخ نشان میں کاروبار کر رہے تھے۔ جبکہ نفٹی میں شامل 50 شیئروں میں سے 23 شیئر سبز نشان میں اور 27 شیئر سرخ نشان میں کاروبار کرتے نظر آ رہے تھے۔
بی ایس ای کا سینسیکس آج 269.15 پوائنٹس کی کمزوری کے ساتھ 83,358.54 پوائنٹس کی سطح پر کھلا۔ کاروبار کی شروعات ہوتے ہی خریداروں اور فروخت کنندگان کے درمیان رسہ کشی شروع ہو گئی، جس کی وجہ سے اس انڈیکس کی چال میں اتار چڑھاو ہونے لگا۔ خریداری کی حمایت سے سینسیکس سبز نشان میں 83,715.93 پوائنٹس تک پہنچا۔ وہیں فروخت کا دباو بننے پر اس نے 83,288.13 پوائنٹس تک غوطہ بھی لگا دیا۔ مارکیٹ میں مسلسل جاری خرید و فروخت کے درمیان پہلے 1 گھنٹے کا کاروبار ہونے کے بعد صبح 10.15 بجے سینسیکس 140.50 پوائنٹس کی کمزوری کے ساتھ 83,487.19 پوائنٹس کی سطح پر کاروبار کر رہا تھا۔
سینسیکس کی طرح ہی این ایس ای کے نفٹی نے آج 83.75 پوائنٹس ٹوٹ کر 25,648.55 پوائنٹس کی سطح سے کاروبار کی شروعات کی۔ مارکیٹ کھلنے کے بعد تیزی لانے والوں اور مندی لانے والوں کے درمیان ایک دوسرے پر حاوی ہونے کی کوشش شروع ہو گئی، جس کی وجہ سے اس انڈیکس کی چال بھی مسلسل اوپر نیچے ہوتی رہی۔ خریداری کی حمایت سے نفٹی اچھل کر سبز نشان میں 25,761.50 پوائنٹس تک پہنچا۔ وہیں فروخت کا دباو بننے پر یہ انڈیکس سرخ نشان میں 25,638.35 پوائنٹس تک گر بھی گیا۔ مارکیٹ میں مسلسل جاری خرید و فروخت کے درمیان ابتدائی 1 گھنٹے کا کاروبار ہونے کے بعد صبح 10.15 بجے نفٹی 33.05 پوائنٹس کی گراوٹ کے ساتھ 25,699.25 پوائنٹس کی سطح پر کاروبار کر رہا تھا۔
ہندوستھان سماچار
---------------
ہندوستان سماچار / انظر حسن
