جموں, 14 جنوری (ہ سشمالی ریلوے کے ایک سینئر افسر نے لیفٹیننٹ گورنر منوج سنہا سے ملاقات کی اور انفراسٹرکچر کی ترقی اور مسافروں کی سہولت سے متعلق متعدد مجوزہ ریلوے منصوبوں پر تبادلۂ خیال کیا۔ترجمان کے مطابق جموں ریلوے ڈویژن کے سینئر ڈویژنل کمرشل منیجر اُچت سنگھل نے لیفٹیننٹ گورنر کو نومبر میں قائم ہونے والے نئے جموں ریلوے ڈویژن کی اہم کامیابیوں سے بھی آگاہ کیا۔
لیفٹیننٹ گورنر منوج سنہا نے اُچت سنگھل کو اتی وششٹھ ریل سیوا پرسکار ملنے پر مبارکباد پیش کی۔ اس باوقار اعزاز کے ذریعے مئی میں آپریشن سندور کے دوران ٹرین آپریشنز کے مؤثر انتظام اور گزشتہ سال اگست تا ستمبر سیلاب کے بعد کی صورتحال میں غیر معمولی قیادت اور منصوبہ بندی کے اعتراف میں انہیں نوازا گیا ہے۔اُچت سنگھل نے لیفٹیننٹ گورنر کو بتایا کہ جنوری گزشتہ سال اپنے قیام کے بعد جموں ریلوے ڈویژن نے کئی اہم سنگ میل عبور کیے ہیں۔ ملاقات کے دوران انہوں نے 2026 میں شروع ہونے والے مجوزہ ریلوے منصوبوں پر بھی گفتگو کی، جن میں بنیادی ڈھانچے کی مضبوطی، نان فئیر ریونیو میں اضافہ، کاروباری ترقی اور مسافروں کی سہولتوں کو مزید بہتر بنانے سے متعلق امور شامل ہیں۔
ہندوستھان سماچار
---------------
ہندوستان سماچار / محمد اصغر
