نئی دہلی، 14 جنوری (ہ س): انفورسمنٹ ڈائریکٹوریٹ (ای ڈی) نے منی لانڈرنگ کی روک تھام ایکٹ (پی ایم ایل اے) 2002 کے تحت اپنی تحقیقات کے سلسلے میں سمیہ گروپ اور اس سے وابستہ کمپنیوں کے 35.22 کروڑ روپے کے منقولہ اور غیر منقولہ اثاثوں کو ضبط کرلیا ہے۔

مرکزی تفتیشی ایجنسی کے ممبئی زونل آفس نے بدھ کے روز گروپ سے وابستہ ایک معاملے میں 35.22 کروڑ روپے کی منقولہ اور غیر منقولہ جائیدادوں کو عارضی طور پر منسلک کرنے کا اعلان کیا۔ ان جائیدادوں میں منقولہ اثاثے جیسے بینک بیلنس، ڈیمیٹ ہولڈنگز اور میوچل فنڈز، اور دو غیر منقولہ جائیدادیں شامل ہیں۔ ای ڈی نے منی لانڈرنگ کی روک تھام ایکٹ (پی ایم ایل اے) 200 کے تحت تحقیقات شروع کی، جس کی بنیاد ورلی پولیس اسٹیشن میں درج کی گئی ایف آئی آر ہے۔

ایف آئی آر میں سمیہ انڈسٹریز لمیٹڈ، اس کے پروموٹرز اور دیگر افراد اور اداروں پر مستقبل کی 'نیڈ ٹو فیڈ' اسکیم کے تحت فوائد کا جھوٹا وعدہ کرکے تقریباً 137 کروڑ روپے کا غبن کرنے کا الزام لگایا گیا ہے۔

---------------

ہندوستان سماچار / عبدالسلام صدیقی