نئی دہلی، 12 جنوری (ہ س)۔ دہلی کی وزیر اعلیٰ ریکھا گپتا نے آج 'سومناتھ سوابھیمان پرو' کے موقع پر کیروڑی مل کالج میں واقع ہنومان مندر کے احاطے میں جلبھیشیک اور پوجا کی۔

سوشل میڈیا پر ایک پوسٹ میں، وزیر اعلیٰ نے کہا، آج پورا ہندوستان سومناتھ سوابھیمان پرو منا رہا ہے۔ یہ صرف ایک جشن نہیں ہے، بلکہ ایک ہزار سال پر محیط ہندوستانی وراثت کے اٹل سفر کی یاد ہے، ہمارے اٹل یقین، ثقافتی بحالی، اور ابدی شعور کی زندہ داستان ہے۔

وزیر اعلیٰ نے کہا کہ آج کی نوجوان نسل میں اس شاندار ورثے کے لیے محبت اور فخر کو دیکھ کر یہ یقین پختہ ہو جاتا ہے کہ ہندوستان اپنی ثقافتی شان کے ساتھ ایک بار پھر عالمی سطح پر شاندار بلندیوں کی طرف بڑھ رہا ہے۔

وزیر اعلیٰ نے کہا کہ جہاں سومناتھ مندر کی بحالی مرد ا ٓہن سردار ولبھ بھائی پٹیل کے عزم کی علامت تھی، آج عزت مآب وزیر اعظم نریندر مودی کی قیادت میں وہی ورثہ اپنی پوری شان و شوکت کے ساتھ نئی بلندیوں کو چھو رہا ہے۔

---------------

ہندوستان سماچار / عبدالسلام صدیقی