نئی دہلی، 12 جنوری (ہ س)۔ ایک دن کے مضبوط فائدہ کے بعد، مقامی صرافہ مارکیٹ میں سلور کی قیمت میں آج معمولی کمی درج کی گئی ہے۔ اس کمی کے باوجود چنئی اور حیدرآباد میں چاندی 2.75 لاکھ روپے فی کلو گرام کی سطح کے بہت قریب ہے۔ قیمتوں میں اس کمی کی وجہ سے آج چاندی ملک کی مختلف صرافہ مارکیٹوں میں 2,59,700 روپے فی کلو گرام سے لے کر 2,74,900 روپے فی کلو گرام تک فروخت ہو رہی ہے۔

دہلی صرافہ مارکیٹ میں چاندی کی قیمتوں میں قدرے کمی آئی، چمکدار دھات کی تجارت آج 259,900 فی کلوگرام پر ہوئی۔ اسی طرح ممبئی، احمد آباد اور کولکاتا میں چاندی کی قیمت 259,700 روپے تھی۔ جے پور، سورت اور پونے میں چاندی کی قیمت 260,000

روپے فی کلو گرام رہی۔

دریں اثنا، بنگلورو میں چاندی 260,200 فی کلوگرام، اور پٹنہ اور بھونیشور میں 259,800 فی کلوگرام پر تجارت کر رہی ہے۔ مزید برآں، حیدرآباد میں چاندی کی قیمت 274,600 روپے فی کیلوگرام پر بک رہی ہے۔ ملک میں چاندی کی سب سے زیادہ قیمت چنئی میں برقرار ہے، جہاں چمکدار دھات کمزور ہو کر 274,900 روپے فی کلوگرام ہو گئی ہے۔

2025 میں چاندی کی قیمتوں میں تاریخی اضافے کے بعد، اس چمکدار دھات کی قیمت فی الحا ل صرافہ مارکیٹ میں اتار چڑھاو¿ کا شکار ہے۔ تاہم مارکیٹ ماہرین کا کہنا ہے کہ بین الاقوامی اور مقامی مارکیٹوں سے چاندی کے لیے مثبت جذبات ابھر رہے ہیں۔ خاص طور پر گرین لینڈ اور ایران کے حوالے سے امریکی صدر ڈونلڈ ٹرمپ کے اشارے بین الاقوامی معیشت میں ہلچل پیدا کر سکتے ہیں۔ جنوری کے دوسرے نصف میں چاندی کی صنعتی مانگ میں مزید اضافہ متوقع ہے۔ نتیجتاً، چاندی کی قیمتوں میں اضافے کا رجحان جاری رہنے کی توقع ہے۔

---------------

ہندوستان سماچار / عبدالسلام صدیقی