جموں, 11 جنوری (ہ س)۔ جموں ڈویژن کے سمر زون میں واقع اسکولوں کی سرمائی تعطیلات میں 14 جنوری تک توسیع کر دی گئی ہے۔ڈائریکٹر اسکول ایجوکیشن جموں، نسیم چودھری کے مطابق یہ فیصلہ وزیر تعلیم کی ہدایات پر موجودہ موسمی صورتحال کو مدنظر رکھتے ہوئے لیا گیا ہے۔ توسیع کا اطلاق سمر زون کے تمام سرکاری اور تسلیم شدہ نجی اسکولوں پر ہوگا۔واضح رہے کہ اسکول پیر کے روز دوبارہ کھلنے والے تھے، تاہم شدید سردی اور دھند کے باعث سرمائی تعطیلات میں اضافہ کیا گیا۔ حکام نے بتایا کہ آئندہ دنوں میں موسم کی صورتحال کے پیش نظر اسکولوں کی دوبارہ تدریس سے متعلق مزید ہدایات جاری کی جا سکتی ہیں۔جموں و کشمیر میں اگرچہ موسم خشک ہے تاہم سخت سردی کے باعث جموں گھنی دھند سے متاثر ہے

ہندوستھان سماچار

---------------

ہندوستان سماچار / محمد اصغر