ایویٹیڈ فلم ’دی راجہ صاب‘نے ریلیز کے ساتھ ہی باکس آفس پر شاندار شروعات تو کی لیکن دوسرے دن کے اعداد وشمار نے سبھی کو حیران کر دیا ہے۔ پہلے دن دنیا بھر میں 100 کروڑ کی ریکارڈ توڑ کمائی کرنے کے بعد، ہارر کامیڈی فلم کے ہفتے کے آخر میں ایک بڑی چھلانگ لگانے کی امید تھی، لیکن ہفتے کے روز، فلم کی کمائی میں نمایاں کمی واقع ہوئی۔پربھاس کی اسٹار پاور کا اثر ریلیز کے دن ہی صاف نظر آیا۔ شائقین نے بڑی تعداد میں تھیٹروں کا ہجوم کیا اور فلم نے ہندوستان میں زبردست اوپننگ حاصل کیاور تقریباً 53 کروڑ روپے کمائے۔ تاہم ساکنلک کی ایک رپورٹ کے مطابق ہفتہ کو فلم کی کمائی 27 کروڑ روپے رہ گئی۔ اس سے ہندوستان میں ’دی راجہ صاب‘ کا کل مجموعہ دو دنوں میں 90.75 کروڑ روپے تک پہنچ گیا ہے۔ دوسرے دن تقریباً 48 فیصد کی گراوٹ نے یقینا فلم سازوں کی پریشانیوں میں اضافہ کر دیا ہے۔

400 کروڑ کے بجٹ پر نظریں جمی ہوئی ہیں۔ تقریباً 400 کروڑ روپے کے بھاری بجٹ سے بنی اس فلم کے لیے افتتاحی ویک اینڈ کو بہت اہم سمجھا جا رہا ہے۔ پہلے دن کی شاندار شروعات کے بعد دوسرے دن کی گراوٹ سے صاف ظاہر ہوتا ہے کہ فلم کو اب ایک لمبی ریس کھیلنی ہوگی۔ ماروتھی کی ہدایت کاری میں بننے والی’دی راجہ صاب‘ میں پربھاس ایک ایسے شخص کے کردار میں ہیں جو اپنے آباو¿ اجداد کی پراسرار حویلی کا وارث ہے۔ فلم میں سنجے دت ولن کا کردار ادا کر رہے ہیں جب کہ مالویکا موہنن اور ندھی اگروال اہم کردار ادا کر رہی ہیں۔ دلچسپ بات یہ ہے کہ میکرز نے فلم کے آخر میں اس کے سیکوئل ’دی راجہ ساب: سرکس 1935‘ کا بھی اعلان کیا ہے۔

دریں اثنا، رنویر سنگھ کی فلم 'دھورندھر' باکس آفس پر مضبوطی برقرار رکھے ہوئے ہے۔ آدتیہ دھر کی ہدایت کاری میں بنی یہ فلم اپنی ریلیز کے 37ویں دن بھی غیر معمولی کارکردگی دکھا رہی ہے۔ چھٹے ہفتہ کو، فلم نے 5.75 کروڑ روپے کی کمائی کی، جس سے اس کا کل مجموعہ 799.50 کروڑ ہو گیا۔ اب،’دھورندھر‘ 800 کروڑ روپے کے کلب میں داخل ہونے سے صرف ایک قدم دور ہے اور اپنے چھٹے اتوار کو تاریخ رقم کرنے کے لیے تیار ہے۔

ہندوستھان سماچار

ہندوستان سماچار / Mohammad Khan