حیدرآباد، 11 ۔ جنوری (ہ س)۔ ماحولیاتی تحفظ اور صفائی کے فروغ کے لیے گریٹر حیدرآباد میونسپل کارپوریشن (جی ایچایم سی) نے میگا ای-ویسٹ صفائی مہم سے قبل شہر بھر میں عوامی اعلانات شروع کر دیے ہیں۔ یہ مہم 12 اور 13 جنوری 2026 کو منعقد ہوگی۔ اعلانات کا آغاز کاپرا سرکل سے کیا گیا ہے اور انہیں شہر کے تمام سرکلز اور وارڈز تک توسیع دی جا رہی ہے۔جی ایچ ایم سی کی اس مہم کے تحت شہریوں کو الیکٹرانک کچرے کی محفوظ تلفی کی اہمیت سے آگاہ کیا جا رہا ہے۔ ساتھ ہی، دو روزہ مہم کے دوران منظم کلیکشن کے انتظامات کی تفصیلات بھی فراہم کی جا رہی ہیں۔حکام کے مطابق مقصد غیر محفوظ طریقوں سے ای-ویسٹ پھینکنے کو روکنا اور سائنسی طریقۂ کار اپنانے کی حوصلہ افزائی کرناہے۔شہری درج ذیل غیر استعمال شدہ، خراب یاپرانے الیکٹرانک آلات جمع کرا سکتے ہیں۔

ریفریجریٹر، واشنگ مشینیں،ایئر کنڈیشنرز،

ٹیلی ویژنز،کمپیوٹرز اور لیپ ٹاپس،موبائل فونز اور چارجرز،یو پی ایس اورانورٹرز،بیٹریاں اور دیگر الیکٹرانک آلات یہ تمام سامان ۔جی ایچ ایم سی میگا ای-ویسٹ ڈرائیو کے تحت محفوظ طریقے سے جمع کیا جائے گا۔۔جی ایچ ایم سی نے غیر مناسب تلفی سے جڑے ماحولیاتی اور صحت کے خطرات کی نشاندہی کی ہے۔ای-ویسٹ کے زہریلے کیمیکلز مٹی اور زیرِ زمین پانی میں شامل ہو کر پینے کے پانی اور فصلوں کو متاثر کر سکتے ہیں۔ای-ویسٹ کو جلانے سے زہریلی گیسیں خارج ہوتی ہیں، جو سانس اور دیگر صحت کے مسائل پیدا کرتی ہیں۔حکام نے زور دیا کہ عوامی صحت اور ماحول کے تحفظ کے لیے محفوظ اور سائنسی تلفی ناگزیر ہے۔جی ایچ ایم سی نے درج ذیل طبقات سے بھرپور تعاون کی اپیل کی ہے۔

رہائشی افراد، تجارتی ادارے،تعلیمی ادارے

شہریوں سے کہاگیا ہے کہ وہ عوامی مقامات پر ای-ویسٹ نہ پھینکیں اور کلیکشن ٹیموں کے ساتھ مکمل تعاون کریں۔حیدرآباد میں ۔جی ایچ ایم سی کی میگا ای-ویسٹ صفائی مہم کو شہر کو صاف، محفوظ اور ماحول دوست بنانے کی اجتماعی کوشش قرار دیا جا رہا ہے۔ حکام کو یقین ہے کہ عوام کی بھرپور شرکت سے یہ مہم کامیاب ہوگی۔

ہندوستھان سماچار

ہندوستان سماچار / محمدعبدالخالق