سرینگر 11 جنوری (ہ س):۔ مشن منشیات سے پاک کولگام کے تحت منشیات کے استعمال کے خلاف اپنی غیر متزلزل مہم کو جاری رکھتے ہوئے، کولگام پولیس نے ایک منشیات فروش کو گرفتار کیا اور اس کے قبضے سے ممنوعہ مادہ برآمد کیا۔ پولیس ترجمان نے جاری کردہ ایک بیان میں کہا کولگام پولیس سماج سے منشیات کی لعنت کو ختم کرنے کے لیے اپنی غیر متزلزل کوششوں کو جاری رکھتے ہوئے اور منشیات فروشوں کے خلاف یکے بعد دیگرے کارروائیاں جاری رکھے ہوئے ہے جس کا مقصد منشیات کی فروخت کو صفر کی سطح پر لانا ہے۔ اس سلسلے میں تھانہ قاضی گنڈ کی پولیس پارٹی نے گشت کے دوران ریلوے پل کے قریب نسو بدرا گنڈ کے مقام پر ایک مشکوک شخص کو دیکھا جس نے پولیس پارٹی کو دیکھ کر موقع سے فرار ہونے کی کوشش کی۔ تاہم، چوکس پولیس پارٹی نے اس کا پیچھا کیا اور تدبیر سے پکڑ لیا۔ اس کی ذاتی تلاشی کے بعد، وہاں موجود افسران اس کے قبضے سے 8 گرام براؤن شوگر جیسے ممنوعہ مادہ برآمد کرنے میں کامیاب ہو گئے۔ بیان میں مزید کہا گیا ہے، اس کی شناخت آزاد احمد نائیکو ولد ثناء اللہ نائکو ساکنہ نسو بدرا گنڈ کے بطور کی گئی ہے۔واقعہ کے تعلق سے ایف آئی آر نمبر 06/2026 U/S 8/21 NDPS ایکٹ پولیس اسٹیشن قاضی گنڈ میں درج ہے اور تحقیقات جاری ہے۔ہندوستھان سماچار

ہندوستان سماچار / Aftab Ahmad Mir