وڈودرہ، 11 جنوری (ہ س)۔

سابق بھارتی تیز گیند باز عرفان پٹھان کا ماننا ہے کہ اگر محمد سراج کو ون ڈے کرکٹ میں باقاعدہ مواقع ملے تو وہ ایک بار پھر دنیا کے ٹاپ باو¿لرز میں سے ایک بن سکتے ہیں۔

ہندوستانی کرکٹ ٹیم اس وقت نیوزی لینڈ کے خلاف تین ون ڈے میچوں کی سیریز کھیل رہی ہے۔ سیریز کا پہلا میچ اتوار کو وڈودرہ کے بڑودہ کرکٹ ایسوسی ایشن (بی سی اے) اسٹیڈیم میں کھیلا جا رہا ہے۔ اس میچ میں بھارت نے ٹاس جیت کر بولنگ کا فیصلہ کیا۔ نیوزی لینڈ نے پہلے بیٹنگ کرتے ہوئے مقررہ 50 اوورز میں آٹھ وکٹوں کے نقصان پر 300 رنز بنائے۔

اس سیریز کے لیے ہندوستانی ٹیم میں واپسی کرنے والے تیز گیند باز محمد سراج نے پہلے میچ میں شاندار کارکردگی کا مظاہرہ کیا۔ انہوں نے اپنے آٹھ اوورز میں 40 رنز دے کر دو وکٹیں حاصل کیں اور کیوی بلے بازوں کو مسلسل دباو¿ میں رکھا۔

سراج کی واپسی کی تعریف کرتے ہوئے عرفان پٹھان نے سوشل میڈیا پلیٹ فارم ' ایکس' پر لکھا، ایک وقت تھا جب محمد سراج 2022-23 میں نمبر ایک ون ڈے بولر تھے، اگر انہیں باقاعدگی سے کھیلنے کا موقع ملتا ہے تو مجھے کوئی شک نہیں کہ وہ دوبارہ ٹاپ پر پہنچ سکتے ہیں۔ انہوں نے آج شاندار بولنگ کی۔

سراج جنوبی افریقہ کے خلاف آخری ون ڈے سیریز میں ہندوستانی ٹیم کا حصہ نہیں تھے لیکن اس سے قبل وہ آسٹریلیا کے خلاف ون ڈے سیریز کھیل چکے ہیں۔ وہ فی الحال 569 ریٹنگ پوائنٹس کے ساتھ آئی سی سی ون ڈے بولنگ رینکنگ میں 21 ویں پوزیشن پر ہیں۔

میچ کی بات کریں تو نیوزی لینڈ کی جانب سے ڈیرل مچل نے 84 رنز کی اہم اننگز کھیلی۔ ان کے علاوہ ڈیون کونوے نے 56 اور ہنری نکولس نے 62 رنز بنائے۔ ول ینگ اور گلین فلپس نے 12،12 رنز بنائے جبکہ مچل ہی 18 رنز بنانے کے بعد آو¿ٹ ہوئے۔ کپتان مائیکل بریسویل نے 16 رنز بنائے۔ آخر میں کرسچن کلارک نے ناٹ آو¿ٹ 24 اور کائل جیمیسن نے ناٹ آو¿ٹ آٹھ رنز بنائے۔ بھارت کو جیت کے لیے 301 رنز کا ہدف دیا گیا ہے۔

بھارت کی جانب سے پرسدھ کرشنا، محمد سراج اور ہرشیت رانا نے دو دو وکٹیں حاصل کیں جبکہ کلدیپ یادو نے ایک وکٹ حاصل کی۔ بھارت کو میچ جیتنے کے لیے 301 رنز درکار ہیں۔

ہندوستھان سماچار

ہندوستان سماچار / عطاءاللہ