مرادآباد، 10 جنوری (ہ س)۔

اتر پردیش کے مرادآباد ضلع کی ایک ہونہار شوٹر شردھا رستوگی نے 10 میٹر ایئر رائفل شوٹنگ ایونٹ میں ہندوستانی شوٹنگ ٹیم ٹرائلز کے لیے کوالیفائی کر کے اپنی صلاحیتوں کا مظاہرہ کیا ہے۔

ریجنل اسپورٹس آفیسر سنیل کمار نے ہفتہ کو یہ جانکاری دی۔ انہوں نے کہا کہ شردھا بھوپال میں منعقدہ 68ویں نیشنل شوٹنگ چمپئن شپ میں شاندار 618.1 اسکور کرکے ہندوستانی ٹیم میں جگہ کی دوڑ میں شامل ہوگئی ہیں۔

محلہ منڈی چوک کی رہائشی اور گریجویٹ طالبہ شردھا نے اس سے قبل بھی کئی کامیابیاں حاصل کی ہیں۔ اس نے حال ہی میں دہرادون میں منعقدہ 44ویں نارتھ زون شوٹنگ چمپئن شپ میں چاندی کا تمغہ جیتا تھا۔ اس کے علاوہ، انہوں نے یوپی اسٹیٹ، پری اسٹیٹ، پری نیشنل، اور انڈیا اوپن جیسے مقابلوں میں تمغے جیتے ہیں۔ انہوں نے 34ویں آل انڈیا جی وی ماولنکر (پری نیشنل) میں دو چاندی کے تمغے اور 48ویں یوپی ریاست میں چاندی کا تمغہ جیتا ہے۔

ہندوستھان سماچار

ہندوستان سماچار / عطاءاللہ