بھوپال، 10 جنوری (ہ س)۔

بھوپال میونسپل کارپوریشن کے ذریعے شہر میں تجاوزات کو ہٹانے کی کارروائی لگاتار جاری ہے۔ ہفتہ کو کارپوریشن کے تجاوزات مخالف دستے کی ٹیموں نے سی ایم ہیلپ لائن، کال سینٹر اور دیگر ذرائع سے موصول شکایتوں کے ازالے اور کارپوریشن کی باقاعدہ کارروائی کے تحت عمارت کی تعمیراتی سامان، سبزی کی دکانیں، دکانوں کے باہر رکھا سامان کے علاوہ ٹھیلے، گمٹی، پان پارلر، کاونٹر، آمد و رفت میں رکاوٹ بننے والی گاڑیاں وغیرہ کو ہٹایا۔ ساتھ ہی تجاوزات مخالف دستے کی ٹیم نے میٹرو ریل کارپوریشن کے ساتھ مشترکہ طور پر کارروائی کرتے ہوئے الکاپوری علاقے میں گرین بیلٹ سے تجاوزات کو ہٹاتے ہوئے 08 ٹرک کباڑے کا سامان ضبط کیا۔

کارپوریشن کمشنر سنسکرتی جین کی ہدایت پر کارپوریشن کے تجاوزات مخالف دستے کی ٹیموں نے ہفتہ کو کٹارہ املتاس، اسپرنگ ویلی، اٹلانس کرشنا ہائٹس، چونا بھٹی، شاہ پورہ، بی ایچ ای ایل جمبوری میدان، 7 نمبر مانسروور، بٹن مارکیٹ، اشوکا گارڈن، پنجابی باغ، پربھات چوراہا، اونتیکا ہوٹل، ریلوے اسٹیشن پلیٹ فارم نمبر 1، سیمرا چاندبڑھ، ناریل کھیڑا چوراہا وغیرہ علاقوں میں تجاوزات کے خلاف کارروائی کرتے ہوئے سیمرا چاندبڑھ روڈ سے سڑک پر رکھی ریت، گٹی ہٹوانے کی کارروائی کی۔

کارپوریشن عملے نے بٹن مارکیٹ علاقے میں آمد و رفت میں رکاوٹ 35 چار پہیہ گاڑیاں ہٹوانے کی کارروائی کی۔

کارپوریشن کے تجاوزات مخالف دستے کی ٹیم نے میٹرو ریل کارپوریشن کے ساتھ مشترکہ طور پر کارروائی کرتے ہوئے الکاپوری علاقے میں گرین بیلٹ سے تجاوزات کو ہٹاتے ہوئے 8 ٹرک کباڑے کا سامان ضبط کیا۔

ہندوستھان سماچار

ہندوستان سماچار / انظر حسن