لوک پتھ موبائل ایپ کے جدید ورژن ’لوک پتھ 2.0‘ کا ہوا افتتاح

وزیر اعلیٰ ڈاکٹر یادو نے ریاستی سطح کی صلاحیت سازی ورکشاپ کا افتتاح کیا

بھوپال، 10 جنوری (ہ س)۔

مدھیہ پردیش کے وزیر اعلیٰ ڈاکٹر موہن یادو نے کہا ہے کہ انجینئرز کی صلاحیت کی بنیاد پر ہم وزیر اعظم نریندر مودی کے وژن کے سال 2047 کے ترقی یافتہ اور خود کفیل ہندوستان کا خواب دیکھ رہے ہیں۔ محکمہ تعمیرات عامہ اپنے نام کے مطابق ’لوک‘ یعنی عوام اور ’نرمان‘ یعنی تخلیق سے ریاست کے ہر فرد کی خدمت کے عہد کو پورا کر رہا ہے۔ وزیر اعظم نریندر مودی ایک سیاست داں ہونے کے ساتھ سنیاسی جذبے سے ہندوستان کی ترقی اور صلاحیت سازی کے لیے کوشاں ہیں۔

وزیر اعلیٰ ڈاکٹر یادو ہفتہ کو محکمہ تعمیرات عامہ کی انوویشن (جدت)، ڈیجیٹل پہل اور انجینئروں کی صلاحیت سازی پر مرکوز ریاستی سطح کے پروگرام شریک ٹریننگ سیشن سے رویندر بھون میں خطاب کر رہے تھے۔ وزیر اعلیٰ نے کہا کہ محکمہ تعمیرات عامہ میں ترقیاتی کاموں کو نئی بلندیاں دینے کی صلاحیت ہے۔ موجودہ میں بھی تمام کی سہولت اور زندگی میں سبھی کو آگے بڑھنے کے مواقع فراہم کرنے کے مقصد سے ہی تعمیراتی کام جاری ہیں۔ مدھیہ پردیش کا محکمہ تعمیرات عامہ نئی تکنیک اور وقت کا صحیح استعمال کرتے ہوئے انفراسٹرکچر ترقیاتی کاموں کو رفتار فراہم کر رہا ہے۔

وزیر اعلیٰ ڈاکٹر یادو کے پروگرام میں آمد پر قبائلی فنکاروں کے ذریعے روایتی موسیقی کے آلات پر منگل گان کے ساتھ ان کا استقبال کیا گیا۔ وزیر اعلیٰ ڈاکٹر یادو کو انگ وسترم، سمراٹ وکرمادتیہ کا مجسمہ اور تلسی کا پودا پیش کر کے ان کا استقبال کیا گیا۔ وزیر اعلیٰ ڈاکٹر یادو نے محکمہ تعمیرات عامہ کے ذریعے انجینئروں کی تربیت، مہارت کے فروغ اور جدید پروجیکٹ مینجمنٹ میں رہنمائی کے لیے تیار کردہ ’کیپیسٹی بلڈنگ فریم ورک 2026‘ کا اجرا، لوک پتھ موبائل ایپ کے جدید ورژن - ’لوک پتھ 2.0‘ کا افتتاح کیا۔ یہ ایپ سڑک کی دیکھ بھال کی نگرانی، شہریوں کی شکایتوں کے فوری ازالے، روٹ پلاننگ، بلیک اسپاٹ الرٹ، ایمرجنسی ایس او ایس سہولت اور سڑک کنارے دستیاب سہولیات کی جانکاری جیسی خدمات کے ذریعے شہریوں کو ایک جامع، یوزر فرینڈلی اور جدید ڈیجیٹل پلیٹ فارم فراہم کرے گا۔

وزیر اعلیٰ ڈاکٹر یادو نے محکمہ تعمیرات عامہ کے ذریعے گزشتہ 2 سالوں میں کیے گئے انوویشن اور اصلاحی کوششوں پر مبنی کتابچہ کا اجرا بھی کیا۔ اس میں ڈیجیٹل حل، کوالٹی کنٹرول، ماحولیاتی تحفظ، نئی تعمیراتی تکنیکوں اور جدید مینجمنٹ کے نظام کی جھلک پیش کی گئی ہے۔ پروگرام میں کیپیسٹی بلڈنگ فریم ورک، لوک پتھ 2.0 ایپ اور محکمے کی گزشتہ 2 سال کی سرگرمیوں پر مرکوز کتاب پر شارٹ فلموں کی نمائش ہوئی۔ مینجمنٹ ایکسپرٹ ڈاکٹر وکرانت سنگھ تومر نے تکنیکی تربیت، پروجیکٹ مینجمنٹ، فنانشل مینجمنٹ اور کنٹریکٹ مینجمنٹ پر مرکوز کیپیسٹی بلڈنگ فریم ورک کا پریزنٹیشن دیا۔ اس دوران وزیر اعلیٰ ڈاکٹر یادو نے محکمہ تعمیرات عامہ کے ذریعے کیے جا رہے کاموں کی ستائش کی۔

وزیر تعمیرات عامہ راکیش سنگھ نے کہا کہ محکمہ تعمیرات عامہ صرف سڑکیں، پل اور عمارتیں تعمیر کرنے والا محکمہ نہیں ہے، بلکہ یہ ریاست کی رفتار، سمت اور ترقی کی ریڑھ ہے۔ وزیر اعلیٰ ڈاکٹر یادو کی قیادت میں محکمہ تعمیرات عامہ نے ’’لوک نرمان سے لوک کلیان‘‘ (عوامی تعمیر سے عوامی بہبود) کے تصور کو عملی جامہ پہناتے ہوئے انفراسٹرکچر کی ترقی کو عوامی زندگی سے براہ راست جوڑا ہے۔ محکمے کے ذریعے بنائی گئی سڑکیں کسانوں کو منڈیوں سے، بچوں کو تعلیم سے، مریضوں کو صحت کی خدمات سے اور صنعتوں کو سرمایہ کاری کے مواقع سے جوڑتی ہیں۔ یہی وجہ ہے کہ ملک کے سب سے پرانے اور سب سے اہم محکموں میں شامل محکمہ تعمیرات عامہ میں انجینئروں کا کردار انتہائی اہم ہو جاتا ہے۔ پروگرام میں ایم پی آر ڈی سی کے منیجنگ ڈائریکٹر بھرت یادو، منیجنگ ڈائریکٹر بھون وکاس نگم سبی چکرورتی، بھاسکراچاریہ انسٹی ٹیوٹ کے اجے پٹیل اور انجینئرنگ کے مختلف شعبوں کے ماہرین اور 1500 سے زیادہ انجینئرز شامل ہوئے۔

ہندوستھان سماچار

---------------

ہندوستان سماچار / انظر حسن