نئی دہلی، یکم جنوری (ہ س)۔ اقتصادی محاذ پر اچھی خبر ہے۔ گڈز اینڈ سروسز ٹیکس (جی ایس ٹی) کی آمدنی نے حکومت کے خزانے کو بھر دیا ہے۔ دسمبر میں جی ایس ٹی کی مجموعی آمدنی 6.1 فیصد بڑھ کر 1.74 لاکھ کروڑ سے زیادہ ہوگئی۔ گزشتہ سال، دسمبر 2024 میں، جی ایس ٹی کی آمدنی 1.64 لاکھ کروڑ سے تجاوز کر گئی تھی۔

جی ایس ٹی کے ڈائریکٹوریٹ جنرل نے جمعرات کو ڈیٹا جاری کیا، جس میں کہا گیا کہ جی ایس ٹی کی شرح میں کمی کے بعد گھریلو سیلز ریونیو میں سست ترقی کی وجہ سے جی ایس ٹی کی وصولی کی رفتار سست پڑ گئی۔ اس کے باوجود، دسمبر میں جی ایس ٹی کی مجموعی آمدنی 6.1 فیصد بڑھ کر 1.74 لاکھ کروڑ سے زیادہ ہوگئی۔ اعداد و شمار کے مطابق، مرکزی جی ایس ٹی کی وصولی بڑھ کر 34,289 کروڑ، ریاستی جی ایس ٹی کی وصولی 41,368 کروڑ، اور آئی جی ایس ٹی کی وصولی 98,894 کروڑ تک پہنچ گئی۔

اعداد و شمار کے مطابق، گھریلو لین دین سے مجموعی آمدنی دسمبر 2025 میں 1.2 فیصد بڑھ کر 1.22 لاکھ کروڑ سے زیادہ ہو گئی، جب کہ درآمدی سامان سے آمدنی 19.7 فیصد بڑھ کر 51,977 کروڑ ہو گئی۔ دسمبر میں ٹیکس ریفنڈز 31 فیصد بڑھ کر 28,980 کروڑ ہو گئے۔ دسمبر میں خالص جی ایس ٹی محصولات کی وصولی (ٹیکس ریفنڈ ایڈجسٹمنٹ کے بعد) 1.45 لاکھ کروڑ سے تجاوز کرگئی، جو پچھلے سال کے مقابلے میں 2.2 فیصد اضافہ ہے۔ گزشتہ ماہ سیس کی وصولی کم ہو کر 4,238 کروڑ رہ گئی، جو ایک سال پہلے کی اسی مدت میں 12,033 کروڑ تھی۔

---------------

ہندوستان سماچار / عبدالسلام صدیقی