نئی دہلی، 9 دسمبر (ہ س): سپریم کورٹ نے کیرالہ میں ووٹر لسٹ کی خصوصی جامع نظر ثانی (ایس آئی آر) میں توسیع کا حکم دینے سے انکار کردیا۔ چیف جسٹس سوریہ کانت کی سربراہی والی بنچ نے اس معاملے کی سماعت 18 دسمبر تک ملتوی کر دی۔ عدالت نے کہا کہ وہ 18 دسمبر کو فیصلہ کرے گی کہ آیا کیرالہ میں اسپیشل انٹینسیو ریویژن (ایس آئی آر) کی تاریخ میں توسیع کی جائے۔

کیرالہ معاملے میں، کیرالہ حکومت کی طرف سے دائر درخواست میں ریاست میں جاری بلدیاتی انتخابات مکمل ہونے تک ایس آئی آر کے عمل کو روکنے کی مانگ کی گئی ہے۔ درخواست میں کہا گیا ہے کہ کیرالہ میں 1,200 خود مختار ادارے ہیں، جن میں 941 گاؤں پنچایتیں، 152 بلاک پنچایتیں، 14 ضلع پنچایتیں، 87 میونسپل کارپوریشنز، اور 6 کارپوریشنیں ہیں، جن میں 23،612 وارڈ ہیں۔

انڈین یونین مسلم لیگ نے بھی کیرالہ میں خصوصی نظرثانی کے حکم کو سپریم کورٹ میں چیلنج کیا ہے۔ مسلم لیگ نے اپنی درخواست میں مؤقف اختیار کیا ہے کہ الیکشن کمیشن ووٹر لسٹوں کی خصوصی نظرثانی کا عمل فوری طور پر روک دے، کیونکہ بلدیاتی انتخابات کے دوران ووٹر لسٹ میں تبدیلی نہیں کی جا سکتی۔

---------------

ہندوستان سماچار / عبدالسلام صدیقی