نئی دہلی، 9 دسمبر (ہ س)۔ راؤز ایونیو سیشن کورٹ نے سونیا گاندھی اور دہلی پولیس کو نوٹس جاری کیا ہے۔ خصوصی جج وشال گوگنے نے اس معاملے کی اگلی سماعت 6 جنوری 2026 کو کرنے کا حکم دیا۔ نوٹس 1980 میں ووٹر لسٹ میں مبینہ طور پر نام شامل کرنے کے الزام میں کانگریس لیڈر سونیا گاندھی کے خلاف ایف آئی آر درج کرنے کی درخواست کو مجسٹریٹ کورٹ کی جانب سے خارج کرنے کو چیلنج کرنے والی درخواست کی سماعت کے دوران جاری کیا گیا۔

یہ عرضی وکیل وکاس ترپاٹھی نے دائر کی ہے۔ اس سے قبل 11 ستمبر کو ایڈیشنل چیف جوڈیشل مجسٹریٹ ویبھو چورسیا نے اسی درخواست کو مسترد کر دیا تھا۔ درخواست میں کہا گیا ہے کہ سونیا گاندھی کا نام ووٹر لسٹ میں 1980 میں شامل کیا گیا تھا حالانکہ وہ اس وقت ہندوستانی شہری نہیں تھیں۔ وہ 1983 میں ہندوستانی شہری بن گئیں۔ اس درمیان سونیا گاندھی کا نام 1982 میں ووٹر لسٹ سے ہٹا دیا گیا اور 1983 میں دوبارہ شامل کیا گیا۔ سونیا گاندھی 1983 میں ہندوستانی شہری بنیں۔

درخواست میں کہا گیا ہے کہ سونیا گاندھی نے اپریل 1983 میں بھارتی شہریت کے لیے بھی درخواست دی تھی۔درخواست میں کہا گیا ہے کہ جب سونیا گاندھی 1983 میں بھارتی شہری بنی ہیں، تو 1980 میں ووٹر لسٹ میں شامل کرنے کے لیے جعلی دستاویزات جمع کرائی ہیں، جو قابلِ سزا جرم ہے۔ ایسے میں عدالت کو سونیا گاندھی کے خلاف ایف آئی آر درج کرنے کا حکم دینا چاہیے۔ مجسٹریٹ کورٹ نے اس معاملے میں سونیا گاندھی یا دہلی پولیس کو نوٹس جاری نہیں کیا۔

---------------

ہندوستان سماچار / عبدالسلام صدیقی