جموں, 8 دسمبر (ہ س)۔

جموں کے ہیرا نگر پولیس نے لوندی ناکہ پر بڑی کارروائی کرتے ہوئے ایک ٹرک کو روک کر اس میں سے 16 مویشیوں کو بحفاظت آزاد کرایا۔ ٹرک میں پھل اور سبزیوں کی آڑ میں مویشیوں کی اسمگلنگ کی جا رہی تھی اور انہیں غیر انسانی طریقے سے منتقل کیا جا رہا تھا۔

ایس ایچ او ہیرا نگر آشیش شرما اور ان کی ٹیم کی بروقت کارروائی کے باعث یہ کوشش ناکام ہو گئی۔ حکام نے کہا کہ اس طرح کی کارروائیاں سماج میں جرائم اور غیر انسانی سرگرمیوں کی روک تھام میں مددگار ثابت ہوتی ہیں۔ تاہم اس واقعہ نے اس بات پر بھی سوال کھڑا کر دیا ہے کہ ایسے معاملات میں اضافہ ہو رہا ہے اور انتظامیہ کو سخت اور مستقل اقدامات کی ضرورت ہے۔

ہندوستھان سماچار

---------------

ہندوستان سماچار / محمد اصغر