نئی دہلی، 31 دسمبر (ہ س)۔ گلوبل مارکیٹ سے آج ملے جلے اشارے مل رہے ہیں۔ امریکی بازار گزشتہ سیشن کے دوران گراوٹ کے ساتھ بند ہوئے۔ حالانکہ ڈاو جونز فیوچرز آج فی الحال مضبوطی کے ساتھ کاروبار کرتا ہوا نظر آ رہا ہے۔ یورپی بازار میں گزشتہ سیشن کے دوران مسلسل خریداری ہوتی رہی۔ وہیں ایشیائی بازار میں آج ملا جلا کاروبار ہو رہا ہے۔

امریکی بازار میں گزشتہ سیشن کے دوران مسلسل دوسرے دن دباو بنا ہوا نظر آیا۔ فروخت کے دباو کے ساتھ ہی محدود دائرے میں کاروبار ہونے کی وجہ سے وال اسٹریٹ کے انڈیکس گراوٹ کے ساتھ بند ہوئے۔ ایس اینڈ پی 500 انڈیکس 0.08 فیصد کی کمزوری کے ساتھ 6,900.17 پوائنٹس کی سطح پر بند ہوا۔ اسی طرح نیس ڈیک نے 0.20 فیصد ٹوٹ کر 23,427.18 پوائنٹس کی سطح پر گزشتہ سیشن کے کاروبار کا اختتام کیا۔ وہیں ڈاو جونز فیوچرز آج فی الحال 0.10 فیصد کی تیزی کے ساتھ 48,417.05 پوائنٹس کی سطح پر کاروبار کرتا ہوا نظر آ رہا ہے۔

یورپی بازار میں گزشتہ سیشن کے دوران جوش و خروش کا ماحول بنا رہا، جس کے سبب یہاں کے انڈیکس مضبوطی کے ساتھ بند ہونے میں کامیاب رہے۔ ایف ٹی ایس ای انڈیکس 0.87 فیصد کی تیزی کے ساتھ 9,952.80 پوائنٹس کی سطح پر بند ہوا۔ اسی طرح سی اے سی انڈیکس نے 0.92 فیصد اچھل کر 8,187.40 پوائنٹس کی سطح پر گزشتہ سیشن کے کاروبار کا اختتام کیا۔ اس کے علاوہ ڈی اے ایکس انڈیکس 375.28 پوائنٹس یعنی 1.52 فیصد کی شاندار سبقت کے ساتھ 24,726.40 پوائنٹس کی سطح پر بند ہوا۔

ایشیا میں آج ملا جلا کاروبار ہوتا ہوا نظر آ رہا ہے۔ ایشیا کے 9 بازاروں میں سے 4 کے انڈیکس گراوٹ کے ساتھ لال نشان میں کاروبار کر رہے ہیں، جبکہ 3 انڈیکس مضبوطی کے ساتھ سبز نشان میں بنبرقرار ہیں۔ جنوبی کوریا اور تھائی لینڈ کے اسٹاک ایکسچینج میں چھٹی ہونے کے سبب کوسپی انڈیکس اور سیٹ کمپوزٹ انڈیکس میں آج کوئی تبدیلی نہیں ہوئی ہے۔

گفٹ نفٹی 0.20 فیصد کی تیزی کے ساتھ 26,154 پوائنٹس کی سطح پر کاروبار کر رہا ہے۔ اسی طرح تائیوان ویٹیڈ انڈیکس 252.85 پوائنٹس یعنی 0.88 فیصد کی چھلانگ لگا کر 28,959.98 پوائنٹس کی سطح پر پہنچا ہوا ہے۔ اس کے علاوہ جکارتہ کمپوزٹ انڈیکس 0.03 فیصد کی معمولی مضبوطی کے ساتھ 8,646.94 پوائنٹس کی سطح پر آ گیا ہے۔

دوسری جانب، نکیئی انڈیکس 187.44 پوائنٹس یعنی 0.37 فیصد کی کمزوری کے ساتھ 50,339.48 کی سطح پر کاروبار کر رہا ہے۔ اسی طرح شنگھائی کمپوزٹ انڈیکس 0.07 فیصد پھسل کر 3,962.24 پوائنٹس کی سطح پر پہنچا ہوا ہے۔ ہینگ سینگ انڈیکس میں آج بڑی گراوٹ درج کی گئی ہے۔ فی الحال یہ انڈیکس 272.60 پوائنٹس یعنی 1.05 فیصد گر کر 25,582 پوائنٹس کی سطح پر آ گیا ہے۔ اس کے علاوہ اسٹریٹس ٹائمز انڈیکس 0.21 فیصد ٹوٹ کر 4,645.81 پوائنٹس کی سطح پر کاروبار کرتا ہوا نظر آ رہا ہے۔

ہندوستھان سماچار

---------------

ہندوستان سماچار / انظر حسن