نئی دہلی، 30 دسمبر (ہ س)۔ عالمی بازاروں سے آج کمزوری کے اشارے مل رہے ہیں۔ امریکی بازار گزشتہ سیشن کے دوران گراوٹ کے ساتھ بند ہوئے۔ حالانکہ ڈاو جونز فیوچرز آج فی الحال سبقت کے ساتھ کاروبار کرتا ہوا نظر آ رہا ہے۔ یورپی بازار میں گزشتہ سیشن کے دوران ملا جلا کاروبار ہوتا رہا۔ وہیں ایشیائی بازار میں بھی آج ملا جلا کاروبار ہو رہا ہے۔
امریکی بازار میں سال کے آخری ہفتے کی شروعات کمزوری کے ساتھ ہوئی۔ گزشتہ سیشن کے دوران بڑی ٹیکنالوجی کمپنیوں کے شیئروں میں مسلسل منافع وصولی ہوتی رہی، جس کے سبب وال اسٹریٹ کے انڈیکس کمزوری کے ساتھ بند ہوئے۔ ڈاو جونز 249.04 پوائنٹس یعنی 0.51 فیصد کی کمزوری کے ساتھ 48,461.93 پوائنٹس کی سطح پر بند ہوا۔ اسی طرح ایس اینڈ پی 500 انڈیکس نے 0.35 فیصد کی گراوٹ کے ساتھ 6,905.75 پوائنٹس کی سطح پر گزشتہ سیشن کے کاروبار کا اختتام کیا۔ اس کے علاوہ نیس ڈیک 118.79 پوائنٹس یعنی 0.50 فیصد ٹوٹ کر 23,474.31 پوائنٹس کی سطح پر بند ہوا۔ دوسری جانب، ڈاو جونز فیوچرز آج فی الحال 0.13 فیصد کی تیزی کے ساتھ 48,524.73 پوائنٹس کی سطح پر کاروبار کرتا ہوا نظر آ رہا ہے۔
کرسمس کی لمبی چھٹی کے بعد کھلے یورپی بازار گزشتہ سیشن کے دوران دباو میں کاروبار کرنے کے بعد ملے جلے نتائج کے ساتھ بند ہوئے۔ ایف ٹی ایس ای انڈیکس 0.04 فیصد کی کمزوری کے ساتھ 9,866.53 پوائنٹس کی سطح پر بند ہوا۔ اس کے برعکس سی اے سی انڈیکس نے 0.10 فیصد کی تیزی کے ساتھ 8,112.02 پوائنٹس کی سطح پر گزشتہ سیشن کے کاروبار کا اختتام کیا۔ اسی طرح ڈی اے ایکس انڈیکس 0.05 فیصد کی سبقت کے ساتھ 24,351.12 پوائنٹس کی سطح پر بند ہوا۔
ایشیائی بازار میں بھی آج فی الحال ملا جلا کاروبار ہوتا ہوا نظر آ رہا ہے۔ ایشیا کے 9 بازاروں میں سے 6 کے انڈیکس گراوٹ کے ساتھ سرخ نشان میں کاروبار کر رہے ہیں، جبکہ 3 انڈیکس سبقت کے ساتھ ہرے نشان میں برقرار ہیں۔ اسٹریٹس ٹائم انڈیکس 0.62 فیصد کی مضبوطی کے ساتھ 4,662.58 پوائنٹس کی سطح پر کاروبار کر رہا ہے۔ اسی طرح ہینگ سینگ انڈیکس 0.35 فیصد کی تیزی کے ساتھ 25,725 پوائنٹس کی سطح پر اور سیٹ کمپوزٹ انڈیکس 0.21 فیصد کی سبقت کے ساتھ 1,256.65 پوائنٹس کی سطح پر پہنچے ہوئے ہیں۔
دوسری جانب، گفٹ نفٹی 0.17 فیصد کی کمزوری کے ساتھ 25,922 پوائنٹس کی سطح پر کاروبار کر رہا ہے۔ اسی طرح تائیوان ویٹیڈ انڈیکس بھی 0.17 فیصد کی گراوٹ کے ساتھ 28,763.22 پوائنٹس کی سطح پر پہنچا ہوا ہے۔ اس کے علاوہ نکیئی انڈیکس 135.92 پوائنٹس یعنی 0.27 فیصد پھسل کر 50,391 پوائنٹس کی سطح پر، جکارتہ کمپوزٹ انڈیکس 0.18 فیصد کی گراوٹ کے ساتھ 8,629.02 پوائنٹس کی سطح پر، شنگھائی کمپوزٹ انڈیکس 0.10 فیصد ٹوٹ کر 3,961.21 پوائنٹس کی سطح پر اور کوسپی انڈیکس 0.04 فیصد کی معمولی کمزوری کے ساتھ 4,219.02 پوائنٹس کی سطح پر کاروبار کر رہے ہیں۔
ہندوستھان سماچار
---------------
ہندوستان سماچار / انظر حسن
