سنی دیول، ورون دھون، دلجیت دوسانجھ اور آہان شیٹی کی اداکاری والی انتہائی متوقع فلم بارڈر 2 23 جنوری 2026 کو سینما گھروں میں ریلیز ہونے والی ہے۔ ٹیزر لانچ کے دوران، میکرز نے واضح کیا کہ 1997 کی سیریز کا آئیکونک گانا گھر کب آوگے کا حصہ ہوگا جو 1997 میں ریلیز کیا گیا تھا۔ اب اس گانے کا ٹیزر جاری کر دیا گیا ہے، جس نے سامعین کے تجسس اور جذبات میں اضافہ کیا ہے۔

گانا بنانے والوں نے گھر کب آوگے کے دوبارہ تخلیق شدہ ورزن کی ایک جھلک شیئر کی ہے، جس میں چار آوازیں شامل ہیں۔ اس گانے کے بول منوج منتشر نے لکھے ہیں جب کہ میوزک متون نے ترتیب دیا ہے۔ قابل ذکر بات یہ ہے کہ اس جذباتی گیت کو چار نامور گلوکاروں نے گایا ہے: سونو نگم، دلجیت دوسانجھ، اریجیت سنگھ، اور وشال مشرا۔ گانے کا مکمل ورزن 2 جنوری 2026 کو ریلیز کیا جائے گا۔

فلم سے متعلق دیگر معلومات: 'بارڈر 2' کو انوراگ سنگھ نے ڈائریکٹ کیا ہے۔ فلم میں سنی دیول، ورون دھون، دلجیت دوسانجھ اور آہان شیٹی کے علاوہ مونا سنگھ، سونم باجوہ، انیا سنگھ اور میدھا رانا نے اہم کردار ادا کیے ہیں۔ گانے کے ٹیزر نے ایک بار پھر اس حب الوطنی اور جذباتی فلم کی جھلک دے کر سامعین میں جوش و خروش بڑھا دیاہے۔

ہندوستھان سماچار

ہندوستان سماچار / عطاءاللہ