نئی دہلی، 28 دسمبر (ہ س)۔ پاکستان کرکٹ بورڈ (پی سی بی) نے اتوار کو دورہ سری لنکا کے لیے اپنے ٹی ٹوئنٹی اسکواڈ کا اعلان کر دیا۔ پاکستانی ٹیم آئندہ ماہ سری لنکا کے خلاف تین ٹی ٹوئنٹی میچوں کی سیریز کھیلے گی۔ تینوں میچز 7، 9 اور 11 جنوری کو دامبولا میں ہوں گے۔

سلمان علی آغا کو ٹی ٹوئنٹی سیریز کے لیے اعلان کردہ پاکستانی ٹیم کا کپتان مقرر کر دیا گیا ہے۔ کئی سینئر کھلاڑیوں کو اسکواڈ سے باہر کر دیا گیا ہے۔ سابق کپتان بابر اعظم، فاسٹ بولر شاہین شاہ آفریدی، حارث رؤف اور وکٹ کیپر بلے باز محمد رضوان سیریز کا حصہ نہیں ہوں گے۔ ادھر نوجوان وکٹ کیپر بلے باز خواجہ نافع کو پہلی بار 15 رکنی اسکواڈ میں شامل کیا گیا ہے۔

اس سیریز کے لیے آل راؤنڈر شاداب خان کی ٹیم میں واپسی ہوئی ہے۔ 27 سالہ نوجوان اس سال کندھے کی سرجری کی وجہ سے طویل عرصے تک میدان سے باہر رہے۔ نیشنل کرکٹ اکیڈمی میں کامیاب بحالی کے بعد وہ مکمل طور پر فٹ ہیں اور اس وقت آسٹریلیا میں بگ بیش لیگ کھیل رہے ہیں۔

یہ سیریز پاکستان کو آئی سی سی مینز ٹی ٹوئنٹی ورلڈ کپ 2026 سے قبل اپنے اسکواڈ کو حتمی شکل دینے کا موقع فراہم کرے گی۔

سری لنکا کے خلاف ٹی ٹوئنٹی سیریز کے لیے پاکستانی اسکواڈ

سلمان علی آغا (کپتان)، عبدالصمد، ابرار احمد، فہیم اشرف، فخر زمان، خواجہ نافع، محمد نواز، محمد سلمان مرزا، محمد وسیم جونیئر، نسیم شاہ، صاحبزادہ فرحان، صائم ایوب،عثمان خان، شاداب خان، عثمان طارق۔

---------------

ہندوستان سماچار / عبدالسلام صدیقی