میلبورن، 27 دسمبر (ہ س)۔

آسٹریلیا کے لیجنڈری بلے باز اسٹیو اسمتھ نے انگلینڈ کے خلاف ٹیسٹ کرکٹ میں ایک اور اہم سنگ میل حاصل کرلیا۔ اسمتھ آسٹریلیا کے سابق کپتان ایلن بارڈر کو پیچھے چھوڑ کر انگلینڈ کے خلاف ٹیسٹ میں آسٹریلیا کے دوسرے سب سے زیادہ رنز بنانے والے کھلاڑی بن گئے۔ انہوں نے یہ ریکارڈ میلبورن میں کھیلے جا رہے ایشز سیریز کے چوتھے ٹیسٹ کے دوران حاصل کیا۔

اس میچ کی پہلی اننگز میں اسمتھ صرف نو رنز بنا کر جوش ٹونگ کے ہاتھوں آو¿ٹ ہوئے۔ تاہم دوسری اننگز میں انہوں نے 39 گیندوں پر ناٹ آوٹ 24 رنز بنائے۔ انہوں نے ایک چوکا بھی لگایا اور مشکل حالات میں آسٹریلوی بیٹنگ کے زوال کے درمیان جدوجہد میں اکیلا دکھائی دیئے۔

انگلینڈ کے خلاف اب تک کھیلے گئے 40 ٹیسٹ میچوں میں اسٹیو اسمتھ نے 72 اننگز میں 3553 رنز بنائے ہیں۔ ان کی اوسط 55.51 ہے جس میں 12 سنچریاں اور 14 نصف سنچریاں شامل ہیں۔ ان کا سب سے زیادہ اسکور 239 ہے۔ اس دوران ایلن بارڈر نے انگلینڈ کے خلاف 47 ٹیسٹ میچوں کی 82 اننگز میں 3,548 رنز بنائے جس کی اوسط 56.31 ہے۔ بارڈر کے نام 8 سنچریاں اور 21 نصف سنچریاں ہیں، ان کا سب سے زیادہ سکور 200 ناٹ آو¿ٹ ہے۔

انگلینڈ کے خلاف ٹیسٹ کرکٹ میں آسٹریلیا کے ذریعہ سب سے زیادہ رنز بنانے کا ریکارڈ سر ڈان بریڈمین کے پاس ہے۔ بریڈمین نے 37 ٹیسٹ کی 63 اننگز میں 89.78 کی اوسط سے 5,028 رنز بنائے جس میں 19 سنچریاں اور 12 نصف سنچریاں شامل ہیں۔ ان کا سب سے زیادہ سکور 334 ہے۔

ہندوستھان سماچار

ہندوستان سماچار / عطاءاللہ