ابتدائی کاروبار میں شیئر بازار پر دباو، سینسیکس اور نفٹی میں گراوٹ

نئی دہلی، 26 دسمبر (ہ س)۔ گھریلو شیئر بازار میں آج ابتدائی کاروبار کے دوران گراوٹ کا رجحان نظر آ رہا ہے۔ آج کے کاروبار کی شروعات بھی کمزوری کے ساتھ ہوئی تھی۔ بازار کھلتے ہی خریداروں نے خریداری کا زور بنانے کی کوشش کی۔ حالانکہ تھوڑی ہی دیر بعد فروخت کا دباو بن گیا، جس کی وجہ سے سینسیکس اور نفٹی دونوں انڈیکس کی کمزوری بڑھتی چلی گئی۔ صبح 10 بجے تک کا کاروبار ہونے کے بعد سینسیکس 0.21 فیصد اور نفٹی 0.20 فیصد کی کمزوری کے ساتھ کاروبار کر رہے تھے۔

صبح 10 بجے تک کا کاروبار ہونے کے بعد شیئر مارکیٹ کے سرکردہ شیئروں میں سے سپلا، ٹائٹن کمپنی، اپولو اسپتال، ڈاکٹر ریڈیز لیبارٹریز اور ٹرینٹ لمیٹڈ کے شیئر 0.51 فیصد سے لے کر 0.20 فیصد کی سبقت کے ساتھ کاروبار کر رہے تھے۔ دوسری طرف، شری رام فائنانس، بجاج فائنانس، ٹاٹا اسٹیل، میکس ہیلتھ کیئر اور ٹی سی ایس کے شیئر 1.06 فیصد سے لے کر 0.42 فیصد کی گراوٹ کے ساتھ کاروبار کرتے ہوئے نظر آ رہے تھے۔

ابھی تک کے کاروبار میں شیئر مارکیٹ میں 2,142 شیئروں میں ایکٹیو ٹریڈنگ ہو رہی تھی۔ ان میں سے 1,185 شیئر منافع کما کر سبز نشان میں کاروبار کر رہے تھے، جبکہ 957 شیئر نقصان اٹھا کر سرخ نشان میں کاروبار کر رہے تھے۔ اسی طرح سینسیکس میں شامل 30 شیئروں میں سے 5 شیئر خریداری کی حمایت سے سبز نشان میں برقرار تھے۔ دوسری طرف 25 شیئر فروخت کے دباو میں سرخ نشان میں کاروبار کر رہے تھے۔ جبکہ نفٹی میں شامل 50 شیئروں میں سے 11 شیئر سبز نشان میں اور 39 شیئر سرخ نشان میں کاروبار کرتے نظر آ رہے تھے۔

بی ایس ای کا سینسیکس آج 183.42 پوائنٹس کی کمزوری کے ساتھ 85,225.28 پوائنٹس کی سطح پر کھلا۔ کاروبار کی شروعات ہوتے ہی خریداری کی حمایت سے تھوڑی ہی دیر میں یہ انڈیکس چھلانگ لگا کر 85,378.51 پوائنٹس کی سطح تک پہنچ گیا۔ حالانکہ پہلے 15 منٹ کے کاروبار کے بعد ہی بازار میں فروخت شروع ہو گئی، جس کی وجہ سے اس انڈیکس کی کمزوری بڑھنے لگی۔ بازار میں مسلسل جاری خرید و فروخت کے درمیان صبح 10 بجے تک کا کاروبار ہونے کے بعد سینسیکس 179.97 پوائنٹس ٹوٹ کر 85,228.73 پوائنٹس کی سطح پر کاروبار کر رہا تھا۔

سینسیکس کی طرح ہی این ایس ای کے نفٹی نے آج 20.85 پوائنٹس کی گراوٹ کے ساتھ 26,121.25 پوائنٹس کی سطح سے کاروبار کی شروعات کی۔ بازار کھلتے ہی خریداری کی حمایت سے پہلے 15 منٹ کے کاروبار میں ہی یہ انڈیکس اچھل کر سبز نشان میں 26,144.20 پوائنٹس تک پہنچ گیا۔ اس کے بعد بازار میں فروخت کا دباو بن گیا، جس کے سبب اس انڈیکس نے دوبارہ سرخ نشان میں غوطہ لگا دیا۔ بازار میں مسلسل جاری خرید و فروخت کے درمیان صبح 10 بجے تک کا کاروبار ہونے کے بعد نفٹی 51.85 پوائنٹس کی گراوٹ کے ساتھ 26,090.25 پوائنٹس کی سطح پر کاروبار کر رہا تھا۔

ہندوستھان سماچار

---------------

ہندوستان سماچار / انظر حسن