نئی دہلی، 26 دسمبر (ہ س)۔

44 ویں جونیئر نیشنل کھو-کھو چمپئن شپ 2025-26، 31 دسمبر 2025 سے 4 جنوری 2026 تک اٹل بہاری واجپئی اسٹیڈیم، گنجور، بنگلورو میں منعقد ہوگی۔ اس باوقار قومی مقابلے میں 26 ریاستوں اور 6 مرکز کے زیر انتظام علاقوں کی تقریباً 70 ٹیمیں حصہ لیں گی، جن میں تقریباً 35 لڑکوں اور 35 لڑکیوں کی ٹیمیں شامل ہیں۔

لداخ، جموں و کشمیر، پڈوچیری، چنڈی گڑھ، دادرا اور نگر حویلی اور دہلی اس چمپئن شپ میں حصہ لینے والے مرکز کے زیر انتظام علاقے ہیں۔ مزید برآں، کولہاپور، ودربھ، اور مدھیہ بھارت جیسی تسلیم شدہ کھو-کھو ایسوسی ایشنز کی نمائندگی کرنے والی ٹیمیں بھی ٹائٹل کی دوڑ میں شامل ہوں گی۔ مقابلہ لیگ کم ناک آوٹ فارمیٹ میں کرایا جائے گا۔

گزشتہ ایڈیشن کی چمپئن، مہاراشٹر پر اس بار بھی نگاہیں ہوں گی ۔ علی گڑھ، اتر پردیش میں 25 سے 29 نومبر تک منعقد ہونے والی 43 ویں جونیئر نیشنل کھو کھو چمپئن شپ میں مہاراشٹر نے لڑکوں اور لڑکیوں کے دونوں زمروں میں خطاب جیتا تھا۔

ٹورنامنٹ کا شیڈول:

لڑکوں اور لڑکیوں دونوں کے پری کوارٹر فائنل 3 جنوری کی صبح کھیلے جائیں گے، اس کے بعد اسی دن دوپہر کو کوارٹر فائنلز ہوں گے۔ سیمی فائنلز 4 جنوری کی صبح ہوں گے جس کے بعد فائنل ہوگا۔ دونوں کیٹیگریز کی ٹیموں کو آٹھ گروپس میں تقسیم کیا گیا ہے۔

انتظامات اور تیاریاں:

کرناٹک اسٹیٹ کھو-کھو ایسوسی ایشن کے صدر لوکیشوارا نے کہا، چمپئن شپ کی تیاریوں اور خوش اسلوبی سے انعقاد کے لیے ریفری، ٹیکنیکل آفیشلز، کوچز اور ایسوسی ایشن کے عہدیداروں سمیت کل 25 اہلکاروں کو تعینات کیا گیا ہے۔ کھلاڑیوں کے لیے رہائش اور کھانے کے انتظامات 4 میٹر کے فاصلے پر کیے گئے ہیں۔ ان کی آمدورفت کے لیے 10 بسوں کا انتظام کیا گیا ہے۔

کھو-کھو فیڈریشن آف انڈیا (کے کے ایف آئی) کے صدر سدھانشو متل نے کہا، یہ چیمپئن شپ کھو-کھو کا جشن ہے، جہاں ملک بھر سے نوجوان ٹیلنٹ قومی ٹائٹل کے لیے مقابلہ کرتے ہیں۔ یہ پلیٹ فارم جونیئر کھلاڑیوں کو اپنی صلاحیتیں دکھانے کا موقع فراہم کرتا ہے۔ ایشین گیمز، کامن ویلتھ گیمز اور اولمپکس میں کھو کھو کی شمولیت کو یقینی بنانے کے لیے۔

آنے والے قومی اور بین الاقوامی ایونٹس:

ہندوستان 9 سے 14 مارچ 2026 تک پہلی کامن ویلتھ کھو-کھو چیمپئن شپ کی میزبانی کرے گا۔ مزید برآں، 58 ویں سینئر نیشنل کھو-کھو چیمپئن شپ (مرد اور خواتین) 2025-26: 11-15 جنوری، 2026، تلنگانہ، 5-جے اور نیشنل کھو-کھو چیمپئن شپ (لڑکے اور لڑکیاں) 2025-26: 31 جنوری سے 4 فروری 2026 تک، کروکشیتر، ہریانہ میں۔

ان تقریبات کے ذریعے کھو-کھو کو قومی اور بین الاقوامی سطح پر ایک نئی پہچان دینے کے لیے اہم اقدامات کیے جا رہے ہیں۔

ہندوستھان سماچار

ہندوستان سماچار / عطاءاللہ