نئی دہلی، 26 دسمبر (ہ س)۔ کرسمس کی تعطیلات کے بعد آج دنیا کے بڑے شیئربازاروں سے مثبت رجحانات نظر آ رہے ہیں۔ امریکی بازار گزشتہ سیشن میں مضبوطی کے ساتھ بند ہوئے۔ ڈاو¿ جونز فیوچرز بھی آج اضافے کے ساتھ کاروبار کرتا ہوا نظر آ رہا ہے ۔ یورپی بازاروں میں گزشتہ سیشن میں ملا- جلا کاروبار ہوتا رہا۔ ایشیائی بازاروں میں بھی آج ملا- جلا کاروبار ہوتا ہوا نظر آ رہا ہے۔

گزشتہ سیشن کے دوران امریکی مارکیٹ میں جوش و خروش کا ماحول قائم رہا، جس کی وجہ سے وال اسٹریٹ انڈیکس تیزی کے ساتھ بند ہونے میں کامیاب رہے۔ ڈاو¿ جونز انڈسٹریل ایوریج 288.75 پوائنٹس یعنی 0.60 فیصد اضافے کے ساتھ 48,731.16 پوائنٹس کی سطح پر بند ہوا۔ اسی طرح، ایس اینڈ پی 500 انڈیکس نے گزشتہ سیشن کی تجارت 0.41 فیصد اضافے کے ساتھ 6,938.15 پوائنٹس پر ختم کی۔ اس کے علاوہ نیس ڈیک 0.22 فیصد بڑھ کر 23,613.31 پوائنٹس کی سطح پر بند ہوا۔ ڈاو¿ جونز فیوچرز آج 0.04 فیصد کے معمولی اضافے کے ساتھ 48,753.01 پوائنٹس پر کاروبار کر رہا ہے۔

یورپی بازار گزشتہ سیشن کے دوران ملے- جلے نتائج کے ساتھ بند ہوئے۔ ایف ٹی ایس ای انڈیکس 0.24 فیصد اضافے کے ساتھ 9,889.50 پر بند ہوا۔ اسی طرح، ڈی اے ایکس انڈیکس نے 128.43 پوائنٹس یعنی 0.53 فیصد چھلانگ لگا کر گزشتہ سیشن کا کاروبار 24,412.40 پوائنٹس پر ختم کیا۔ اس کے برعکس سی اے سی انڈیکس 0.20 فیصد گر کر 8,105 پر بند ہوا۔

ایشیائی مارکیٹ میں آج ملا -جلا کاروبار ہوتا نظر آ رہا ہے۔ نو ایشیائی بازاروں میں سے پانچ کے اشاریے سبز نشان میں مضبوطی کے ساتھ کاروبار کر رہے ہیں، جبکہ تین انڈیکس کمی کے ساتھ سرخ نشان میں ہیں۔ انڈونیشیا اسٹاک ایکسچینج میں چھٹی کی وجہ سے آج جکارتہ کمپوزٹ انڈیکس میں کوئی ہلچل نہیں ہے۔گفٹ نفٹی فی الحال 0.14 فیصد کی کمزوری کے ساتھ 26,140.50 پوائنٹس پر کاروبار کر رہا ہے۔ اسی طرح سیٹ کمپوزٹ انڈیکس 0.31 فیصد کی کمی کے ساتھ 1,260.80 پوائنٹس پرکاروبار کر رہا ہے اور شنگھائی کمپوزٹ انڈیکس 0.19 فیصد کی کمی کے ساتھ 3,952.09 پوائنٹس کی سطح پر کاروبار کر رہا ہے۔

دوسری جانب نکیئی انڈیکس 467.21 پوائنٹس یعنی 0.93 فیصد اضافے کے ساتھ 50,875 پوائنٹس کی سطح پر کاروبار کر رہا ہے۔ اسی طرح کوسپی انڈیکس 0.51 فیصد اضافے کے ساتھ 4,129.51 پوائنٹس کی سطح پر پہنچ گیا ہے۔ اس کے علاوہ تائیوان ویٹڈ انڈیکس 139.57 پوائنٹس یعنی 0.49 فیصد اضافے کے ساتھ 28,511.55 پوائنٹس کی سطح پر، ہینگ سینگ انڈیکس 0.17 فیصد اضافے کے ساتھ 25,818.93 پوائنٹس کی سطح پر اور اسٹریٹس ٹائمز انڈیکس 0.04 فیصدکی معمولی تیز ی کے ساتھ4638.31پوائنٹس کی سطح پر کاروبار کر رہے ہیں۔

ہندوستھان سماچار

ہندوستان سماچار / محمد شہزاد