نئی دہلی، 24 دسمبر (ہ س)۔ صدر جمہوریہ دروپدی مرمو نے اڈیشہ کے برگڑھ میں مشہور دھنو یاترا کے موقع پر ملک کے لوگوں، خاص طور پر اڈیشہ کے باشندوں کو دل کی گہرائیوں سے مبارکباد اور نیک خواہشات کا اظہار کیا۔ انہوں نے کہا کہ دھنو یاترا کا بہت بڑا اوپن ایئر تھیٹر اور اس کی منفرد روایت اسے قومی اور بین الاقوامی سطح پر ایک الگ پہچان دیتی ہے۔

صدر دروپدی مرمو نے ایک ایکس پوسٹ میں کہا کہ دھنو یاترا کے دوران قدیم کہانیوں پر مبنی لائیو پرفارمنس سے معاشرے میں روحانی شعور اور ثقافت کو فروغ ملے گا۔ انہوں نے عظیم یاترا کے کامیاب انعقاد پر منتظمین اور شریک شہریوں کو بھی مبارکباد دی۔

غور طلب ہے کہ دھنو یاترا ایک بڑا مذہبی اور ثقافتی تہوار ہے جو ہر سال برگڑھ، اڈیشہ میں منعقد ہوتا ہے، جو کھلی فضا میں اسٹیج پرفارمنس اور قدیم کہانیوں کی عکاسی کے لیے مشہور ہے۔ یاترا کو مقامی ثقافتی ورثے، مذہبی عقیدے اور کمیونٹی کے تعاون کی علامت سمجھا جاتا ہے۔

---------------

ہندوستان سماچار / عبدالسلام صدیقی