نئی دہلی،24دسمبر(ہ س)۔ اس مرتبہ یہ تقریبات 26 تا 28 دسمبر ایوان غالب نئی دہلی میں ہوں گی۔ غالب انسٹی ٹیوٹ کے سکریٹری پروفیسر صدیق الرحمٰن قدوائی نے نامہ نگاروں کو بتایا کہ اس مرتبہ سمینار کا موضوع ’منشی پریم چند: ذہن زمانہ اور آرٹ‘ ہے۔ سمینار کا کلیدی خطبہ پروفیسر علی احمد فاطمی پیش کریں گے۔ افتتاحی اجلاس کی صدارت میرے سپرد ہے۔ سمینار کا افتتاح جناب اشوک واجپئی صاحب کریں گے اورپروفیسر آلوک رائے صاحب جو منشی پریم چند کے پوتے ہیں مہمان خصوصی ہوں گے۔ پروفیسر پرشوتم اگروال صاحب پروفیسر اپوروانند صاحب مہمان اعزازی کی حیثیت سے افتتاحی اجلاس میں شریک ہوں گے۔ ڈاکٹر رخشندہ جلیل صاحبہ استقبالیہ کلمات اور ڈاکٹر ادریس احمد صاحب اظہار تشکر فرمائیں گے۔ افتتاحی اجلاس کے بعد شام غزل (کلام غالب) کا اہتمام کیا جائے گا جس میں معروف غزل سنگر محترمہ ودیا شاہ غزل سرائی کریں گی۔ 27 اور 28 / دسمبر کو صبح 10 بجے سے شام 5 بجے تک ادبی اجلاس ہوں گے جس میں ملک و بیرون ملک کے دانشور مقالات پیش کریں گے۔ سمینار میں جن حضرات کو مقالہ خوانی کے لیے مدعو کیا گیا ہے ان کے نام اس طرح ہیں: جناب امیر مہدی (برمنگھم)،ڈاکٹر یورووا صباحت،پروفیسر حبیب اللہ (تاجکستان)،ڈاکٹر گلبستاں مموتی، پروفیسر ہریش ترویدی،پروفیسر صغیر افراہیم،جناب شین کاف نظام،ڈاکٹر پردیپ جین،ڈاکٹر خالد علوی،پروفیسر غضنفر،پروفیسر ارتضیٰ کریم،پروفیسر شافع قدوائی، پروفیسر طارق چھتاری،پروفیسر کوثر مظہری،پروفیسر ابوبکرعباد،پروفیسر ثروت خان،پروفیسر جتیندر سریواستو، پروفیسر ندیم احمد،ڈاکٹر پربھات رنجن،پروفیسر سونیا گپتا، ڈاکٹر فوزان احمد،ڈاکٹرسفینہ بیگم، ڈاکٹر محمد مشتاق تجاروی،پروفیسر محمد کاظم،محترمہ نازرین انصاری،جناب مقصود دانش،ڈاکٹر مشتاق صدف،ڈاکٹر مشرف علی،ڈاکٹر محمد اکمل،جناب محمد فیض اللہ خاں، ڈاکٹر نیلوفر حفیظ،ڈاکٹر فیضان الحق،ڈاکٹر جاوید عالم اور ڈاکٹر شاہد جمال۔ اجلاس کے صدور: پروفیسر صادق، پروفیسر خالد محمود،پروفیسرمظہر مہدی،پروفیسر چندر شیکھر،پروفیسر انور پاشا،پروفیسرخواجہ محمد اکرام الدین،پروفیسر شہزاد انجم، پروفیسرعلیم اشرف ہوں گے اور ناظم اجلاس:ڈاکٹر جاوید حسن،ڈاکٹر عبدالرزاق زیادی،ڈاکٹر غزالہ شیرین،ڈاکٹر شاداب شمیم،ڈاکٹر ندیم احمد،ڈاکٹرمحمد مستمر، ڈاکٹر محمداحمد،ڈاکٹر نورین علی حق ہوں گے۔ 27/ دسمبر کو شام 6 بجے عالمی مشاعرے کا اہتمام کیا جائے گا جس کی صدارت پروفیسر وسیم بریلوی صاحب فرمائیں گے اور مہمانِ خصوصی جناب امیرمہدی (برمنگھم) اور جناب ایم۔ایف۔ فاروقی ہوں گے۔ نظامت کے فرائض جناب منصور عثمانی اور جناب معین شاداب ادا کریں گے۔ جن شعرا کو دعوت نامے بھیجے گئے ہیں ان کے نام اس طرح ہیں:مدعو شعرا،بیرونِ ممالک:جناب امیرمہدی (برمنگھم)،جناب پرویز مظفر (لندن)،جناب جلیل نظامی (قطر)،جناب ثاقب ہارونی (نیپال)، جناب انور کمال(بحرین) مہمان شعرا:پروفیسر وسیم بریلوی،جناب ایم۔ ایف۔ فاروقی،جناب شین۔ کاف۔ نظام،جناب منصور عثمانی،ڈاکٹراعجاز پاپولر میرٹھی،جناب فاروق جائسی،جناب عقیل نعمانی، جناب شکیل اعظمی، جناب شمس تبریزی،جناب خورشید حیدر، جناب افضل منگلوری۔ مقامی شعرا:جناب سلیم شیرازی، جناب راشدجمال فاروقی، جناب ذکی طارق، ڈاکٹر ماجد دیوبندی،جناب اقبال اشہر، جناب شاہد انجم، جناب ملک زادہ جاوید،جناب سلیم امروہوی، جناب معین شاداب، محترمہ آشکارا خانم ’کشف‘، جناب مراد علی۔ 28 / دسمبر کو شام 6بجے’ہم سب ڈرامہ گروپ‘ کی جانب سے اردو ڈرامہ ’غالب کی واپسی‘ تحریر جناب اے۔ آر۔ کاردار ہدایت جناب عباس حیدر نقوی، پیش کیا جائے گا۔ اس مرتبہ سمینار کے موقع پر منشی پریم چند کی کتابوں اور تصویروں کی نمائش کا اہتمام بھی کیا گیا ہے جس کا افتتاح منشی پریم چند کے پوتے پروفیسر آلوک رائے کے دست مبارک سے ہوگا۔ غالب انسٹی ٹیوٹ کی دس نئی مطبوعات کا افتتاح بھی عمل میں آئے گا۔

ہندوستھان سماچار

ہندوستان سماچار / Md Owais Owais