سلی گوڑی، 24 دسمبر (ہ س)۔ بی جے پی نے بنگلہ دیش میں ہندو نوجوان دیپو داس کے قتل کے خلاف پھولباری میں ہندوستان-بنگلہ دیش سرحد پر زبردست احتجاج کیا۔ بدھ کے روز، بی جے پی کے کارکنان اور حامیوں نے قومی پرچم تھامے سلی گوڑی سے متصل ہند-بنگلہ سرحد پر پھولباری امیگریشن چیک پوسٹ پر احتجاج کیا۔

احتجاج کے دوران بی جے پی کارکنوں نے بنگلہ دیش سے آنے والے ٹرکوں کو روکا، ان پر چڑھ گئے اور نعرے لگائے۔ مظاہرین نے خبردار کیا کہ اگر بنگلہ دیش میں ہندوو¿ں پر حملے بند نہ ہوئے تو تحریک مزید تیز کی جائے گی۔ اس احتجاج کے دوران بی جے پی کے کئی کارکن سرحدی علاقے میں گھنٹوں تک دھرنے پر بیٹھے رہے جس سے علاقے میں کشیدگی پیدا ہوگئی۔ احتجاجی مقام پر پولیس کی بھاری نفری تعینات تھی۔مظاہرے کی قیادت دبگرام- پھولباری ایم ایل اے شیکھا چٹرجی نے کی۔ ان کے ساتھ منڈل کے صدر راہل برمن، بپی پال، راجیو ساہا، پریتی برمن، اور قانون ساز اسمبلی کے دیگر بی جے پی لیڈر اور کارکنان موجود تھے۔

ہندوستھان سماچار

ہندوستان سماچار / Mohammad Khan